13:44, 16 - تامىز 2015 | GMT +5
ساقتاندىرۋ تولەمىن الۋ ءۇشىن قۇنى 245 مىڭ دوللار تۇراتىن كولىگىن ورتەپ جىبەرگەن
استانا. قازاقپارات - شۆەيتساريالىق ميلليونەردىڭ ۇلى قۇنى 245 مىڭ دوللار قۇرايتىن ەسكىرگەن Ferrari 458 Italia كولىگىنىڭ ورنىنا جاڭا اۆتوموبيل ساتىپ العىسى كەلىپ، ساقتاندىرۋ تولەمىن الۋ ءۇشىن كولىگىن ورتەگەن، دەپ حابارلادى «گازەتا. Ru» Insurance Business America سىلتەمە جاساپ.

19 جاستاعى جىگىتكە اكەسى اي سايىن 10 مىڭ دوللار بەرىپ وتىرعان. الايدا ۇلى ودان جاڭا كولىك ءۇشىن اقشا سۇراماعان.
كولىكتى ورتەۋ ءۇشىن ەكى ادامعا 15 مىڭ دوللاردان اقشا تولەگەن. جاس جىگىت باۆاريالىق قالاشىقتاعى مەكەمەلەردىڭ ءبىرىنىڭ الدىنا كولىگىن قويىپ كەتكەن، بۇدان كەيىن ونى ورتەدى.
بەينەباقىلاۋ كامەرالارى بۇل ارەكەتكە دايىندىقتى ءتۇسىرىپ العان، سونىمەن قاتار پوليتسەيلەر جىگىتتىڭ SMS- جازبالارىن وقىدى.
ەندى ول 32 مىڭ دوللار ايىپپۇل تولەپ، 22 اي سىناق مەرزىمىنەن ءوتۋى ءتيىس.
ستۋدەنتتە تاعى 14 اۆتوموبيلى، سونىڭ ىشىندە Lamborghini قالعانى ايتىلدى.