ب ق و: ءبورلى اۋدانىندا ورتاشا جالاقى 242,1 مىڭ تەڭگەگە جەتتى
وبلىستىق ستاتيستيكا دەپارتامەنتىنەن تۇسكەن مالىمەتكە قاراعاندا، بۇل وبلىستىق ورتاشا جالاقىدان (103293 تەڭگە) 2,3 ەسەگە ارتىق.
بۇل تۇسىنىكتى دە. ويتكەنى ءبورلى اۋدانى اۋماعىندا الەمگە ايگىلى قاراشىعاناق كەنىشى ورنالاسقان، ونى شەتەلدىك اليانس («ق پ و ب.ۆ. » كومپانياسى) يگەرىپ جاتقانى بەلگىلى. وبلىستا ونەركاسىپ ءونىمىنىڭ دەنى دە وسى كەن ءوندىرۋ سالاسىنىڭ ۇلەسىندە.
وڭىردە سالا بويىنشا ونەركاسىپتە جۇمىس جاسايتىندار ەڭ جوعارى جالاقى الادى - 204,6 مىڭ تەڭگە، بۇل وبلىستىق كورسەتكىشتەن 2 ەسەگە كوپ. قۇرىلىس (148,5 مىڭ تەڭگە)، اكىمشىلىك جانە قوسالقى قىزمەت كورسەتۋ سالاسى (143,0 مىڭ تەڭگە) ودان كەيىنگى ورىندا، بۇل 1,4 ەسەگە كوپ.
ال ەڭ تومەنگى جالاقى الاتىندار ونەر، ويىن-ساۋىق جانە دەمالىس سالاسىندا جۇمىس جاسايتىندار، ولاردىكى وبلىستىق كورسەتكىشتىڭ جارتىسىنان ءسال عانا اسادى (50,6 پايىزى).
اۆتور: ەلجان ەرالى
