باتىس قازاقستاندا 240 ادام كوروناۆيرۋسقا قارسى ەگىلدى

ب ق و دەنساۋلىق ساقتاۋ باسقارماسىنىڭ باسپا ءسوز قىزمەتى ءمالىم ەتكەنىندەي، سونىڭ ىشىندە 53 دارىگەر، 161 ورتا جانە 21 كىشى بۋىن مەديتسينا قىزمەتكەرى ەكپە الدى. سونداي- اق وبلىستىق سانيتارلىق- ەپيدەميولوگيالىق باقىلاۋ دەپارتامەنتىنىڭ 4 قىزمەتكەرى ەگىلدى.
«قازىرگى كەزدە دەنساۋلىق ساقتاۋ جانە سانيتارلىق- ەپيدەميولوگيالىق قىزمەت سالاسى قىزمەتكەرلەرى ەگىلۋدە. ناۋرىزدا مۇعالىمدەرگە، ساۋىردە مەملەكەتتىك قىزمەتشىلەرگە كەزەك كەلەدى»، دەپ حابارلادى باسقارمانىڭ باسپا ءسوز قىزمەتى.
باسقارما مالىمەتىنە قاراعاندا، سوڭعى تاۋلىكتە 109، ءبىر اپتادا 629 ادام كوروناۆيرۋس جۇقتىردى. كۇنى بۇگىن جۇقپالى اۋرۋلار اۋرۋحانالارىندا 291، كارانتيندىك ستاتسيونارلاردا 22 ادام ەم الۋدا. 24 ادام جانساقتاۋ بولىمىندە جاتىر. جىل باسىنان بەرى ىندەت جۇقتىرعان بالالار سانى 144 كە جەتتى. ەسكە سالا كەتەيىك، بۇدان بۇرىن ب ق و اكىمىنىڭ ورىنباسارى مەن باس مەملەكەتتىك سانيتار دارىگەرىنىڭ ەكپە سالدىرعانىن، ورالدا ءبىر كۇندە 80 ادامنان كوروناۆيرۋس انىقتالعانىن جازعان بولاتىنبىز.