بيىل 240 مىڭ شارشى مەتر نەسيەلىك باسپانا سالىنادى

استانا. قازاقپارات - بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ۇلتتىق ەكونوميكا ۆيتسە- ءمينيسترى قايىربەك وسكەنبايەۆ نەسيەلىك باسپانانىڭ قۇرىلىسى جايىندا ايتىپ بەردى.

 «ەكىنشى باعىت - نەسيەلىك باسپانا. بۇل قۇرىلىس حالىقتىڭ بارلىق ساناتتارىنا ارنالعان. وسى تۇرعىدا 2015 -جىلعا بىزدە 40,8 ميليارد  تەڭگە ءبولىنىپ، ونىڭ 10,8 ميلليارد تەڭگەسى رەسپۋبليكالىق بيۋدجەت قارجىسىنا جانە ۇلتتىق قور قارجىسى ەسەبىنەن 30 ميلليارد تەڭگە قاراستىرىلعان. 240 مىڭ شارشى مەتر باسپانانى تاپسىرۋدى جوسپارلاپ وتىرمىز. بارلىق جۇمىستار جوسپارعا سايكەس ءجۇرىپ جاتىر. جىل سوڭىنا دەيىن بۇل كورسەتكىشتى ورىندايتىن بولامىز» ، - دەدى ءمينيستردىڭ ورىنباسارى.

سونىمەن قاتار ول بۇل باعىتتاعى سالىنىپ جاتقان تۇرعىن ۇيلەر ءۇشىنشى جانە ءتورتىنشى ساناتتاعىلار ەكەنىن جەتكىزدى.

 

اۆتور: رۋسلان عابباسوۆ