14:05, 24 - جەلتوقسان 2014 | GMT +5
قازاقستاندا 240 تان استام سايتتى شەكتەۋ جونىندە ۇسىنىس جاسالدى
استانا. قازاقپارات - ءدىني باعىتتاعى 244 سايتتى شەكتەۋگە ۇسىنىس جاسالدى. بۇل تۋرالى بۇگىن ورتالىق كوممۋنيكاتسيالار قىزمەتىندە ق ر مادەنيەت جانە سپورت مينيسترلىگى ءدىن ىستەرى كوميتەتىنىڭ ءتوراعاسى عالىم شويكين ءمالىم ەتتى.
«ءبىز بۇگىندە ينتەرنەت- كەڭىستىككە باقىلاۋ جۇرگىزىپ كەلەمىز. وندا ءبىز دەسترۋكتيۆتى اقپاراتتارى بار ءدىني باعىتتاعى سايتتاردى قاراپ وتىرامىز. بيىل ءبىز 8 مىڭنان استام سايتقا تالداۋ جاسادىق جانە تيىستى ورگاندارعا 244 سايتقا شەكتەۋ جاساۋ جونىندە ۇسىنىس جاسادىق»، - دەپ اتاپ ءوتتى ول.
ونىڭ سوزىنە قاراعاندا، سارالاۋ كەزىندە 100 دەن استام بەينەماتەريالدى قازاقستاندا تاراتۋعا تىيىم سالىندى.
اۆتور: جاسۇلان جولدىبايەۆ
