قىتاي بيلىگى شىنجاڭداعى جول قۇرىلىسىنا 24,8 ميلليارد دوللار بولەدى

استانا. قازاقپارات - 2017 -جىلى قىتاي بيلىگى ەلدىڭ سولتۇستىك- باتىسىندا ورنالاسقان شىنجاڭ- ۇيعىر اۆتونومدى ولكەسىندەگى جوعارى جىلدامدىقتى جولدار قۇرىلىسىنا 170 ميلليارد يۋان (24,8 ميلليارد دوللار) قارجى بولەدى، بۇل وتكەن جىلى بولىنگەن قاراجاتتان ءۇش ەسە كوپ،

 دەپ حابارلايدى ر ي ا نوۆوستي جەرگىلىكتى رەفورمالار جانە دامۋ كوميتەتىنىڭ باسشىسى جاڭ چۋنلينعا سىلتەمە جاساپ.

 China Daily باسىلىمىنىڭ حابارلاۋىنشا، 2017 -جىلى شىنجاڭدا 6 مىڭ شاقىرىمنان اساتىن جوعارى جىلدامدىقتى جول قۇرىلىسى باستالادى. ودان بولەك، وڭىردەگى تەمىرجول قۇرىلىسىنا 8,1 ميلليارد يۋان بولەدى، بۇل 2016 -جىلمەن سالىستىرعاندا 50 پايىز كوپ. ولكەدەگى ازاماتتىق اۆياتسيانى دامىتۋعا ارنالعان ينۆەستيتسيالار دا 50 پايىز ۇلعايىپ، 4,8 پايىزدى قۇرادى. جان چۋنليننىڭ ايتۋىنشا، ەل اۋماعىنىڭ التىدان ءبىر بولىگىن الاتىن وڭىردە جوعارى جىلدامدىقتى جول تورابىن سالۋ باسىم مىندەتتەردىڭ ءبىرى بولىپ تابىلادى.