قازاقستاندا 23 مىڭ رەسەي ازاماتى جۇمىس ىستەيدى

استانا. قازاقپارات - ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا «ەلدە جۇمىس ىستەيتىن رەسەي ازاماتتارى كوبەيدى مە؟» دەگەن سۇراققا جاۋاپ بەردى، دەپ حابارلايدى قازاقپارات ءتىلشىسى.

«وتكەن جىلدىڭ قىركۇيەگىنەن بەرى بۇل سيفر اسا كوپ وزگەرگەن جوق. بۇل كورسەتكىش ۇنەمى 22-23 مىڭ ادامنىڭ اينالاسىندا بولادى. ويتكەنى، ءبىر توپ ادام كەلىپ جاتسا، ءبىر توبى ەلدەن كەتىپ جاتادى. بۇل - قازاقستاندا مىندەتتى زەينەتاقى اۋدارىمدارىن جاسايتىن رەسەي ازاماتتارى»، - دەپ جاۋاپ بەردى تامارا دۇيسەنوۆا ۇكىمەت كۋلۋارىندا تىلشىلەر سۇراعىنا.

ايتا كەتەيىك، رەسەيگە سالىنعان سانكتسيالاردان سوڭ 400 شەتەلدىك كومپانيا قازاقستانعا كەلۋگە نيەتتى.

بۇعان دەيىن تامارا دۇيسەنوۆا قازاقستانعا نەگىزىنەن قاي ەلدىڭ ازاماتتارى قونىس اۋدارىپ جاتقانىن ايتقان ەدى.