الماتىلىقتارعا تەگىن ءدارى- دارمەك الۋعا 23 ميلليارد تەڭگە ءبولىندى
بۇل تۋرالى باسپا ءسوز ءماسليحاتىندا مەديتسينالىق ساقتاندىرۋ قورىنىڭ الماتى قالالىق فيليالى ديرەكتورى تىلەۋحان ابىلدايەۆ ءمالىم ەتتى، دەپ حابارلايدى قازاقپارات ءتىلشىسى.
«2022 -جىلى تەگىن مەديتسينالىق كومەك جانە مىندەتتى الەۋمەتتىك مەديتسينالىق ساقتاندىرۋ پاكەتتەرى شەڭبەرىندە ءدارى- دارمەكپەن قامتۋعا 30,2 ميلليارد تەڭگە بولىنگەن بولاتىن. تەگىن مەديتسينالىق كومەك پاكەتى بويىنشا 215 مىڭنان استام پاتسيەنت، ءمامس قاراجاتى ەسەبىنەن 215 مىڭنان استام ەرەسەك پەن 38 مىڭنان استام بالا ءدارى- دارمەك الدى»، - دەيدى ول.
سپكەردىڭ سوزىنشە، 2023 -جىلعا 23 ميلليارد تەڭگەنىڭ ءدارى- دارمەگىن ساتىپ الۋ جوسپاردا.
«دارىلىك زاتتار جىل باسىنان بەرى بەكىتىلگەن كەستە بويىنشا جەتكىزىلىپ جاتىر. جالپى، پاتسيەنتتەر تەگىن ءدارى- دارمەككە قاتىستى مالىمەتتى «س ك- فارماتسيا» ج ش س- ءنىڭ 1439 بايلانىس ورتالىعى ارقىلى بىلە الادى»، - دەدى ول.
ەستەرىڭىزگە سالا كەتەيىك، جەدەل، ستاتسيونارلىق جانە ستاتسيوناردى الماستىراتىن كومەك كورسەتۋ كەزىندە بارلىق دارىلىك زاتتار تەگىن بەرىلەدى.
