وسكەمەندە بومبا جايلى حاباردان سوڭ 23 مەكتەپتە وقۋشىلار ساباق وقىمادى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، بۇگىن تۇسكى ۋاقىتتا قالاداعى 23 مەكتەپكە بومبا قويىلعانى تۋرالى حابار تۇسكەن.
بىردەن ءار مەكتەپتەگى ەڭبەك ۇجىمى مەن وقۋشىلار ەۆاكۋاتسيالاندى.
بومبا جايلى حابارلار تىم جيىلەپ كەتكەندىكتەن وبلىستىق پد باستىعىنىڭ ورىنباسارى، پوليتسيا پولكوۆنيگى مەدەت بەردىمۇراتوۆ جۋرناليستەرگە جەدەل سۇحبات بەردى.
«قازىرگى ۋاقىتتا 9 مەكتەپتى تەكسەرىپ شىقتىق. ەشقانداي قاۋىپتى زات تابىلعان جوق. قالعان ءبىلىم وردالارىندا تەكسەرۋ جۇمىستارى جالعاسۋدا. كۇدىكتىلەردى جىلدام انىقتاۋ قيىن. سەبەبى ولار ينتەرنەتتىڭ ءتۇرلى مۇمكىندىكتەرىن پايدالاناتىندىقتان IP- ادرەستەر انىقتالماي جاتىر. وسى ۋاقىتقا دەيىنگى ءاربىر فاكتى بويىنشا ق ر ق ك- ءنىڭ 273-بابىمەن سوتقا دەيىنگى تەرگەۋ امالدارى باستالدى»، - دەيدى ول.
ەسكە سالساق، كەشە وسكەمەن قالاسىندا مەكتەپكە بومبا قويىلعانى تۋرالى ءتورتىنشى حابار تۇسكەنى حابارلانعان.
