الماتى اۋە ايلاعىنىڭ ماڭىندا زاڭسىز سالىنعان 23 تۇرعىن ءۇي ءالى تۇر - باس پروكۋراتۋرا
«2021 -جىلدىڭ قازان ايىندا ازاماتتىق اۆياتسيا كوميتەتىنىڭ ماماندارى اتالعان اۋەجايدىڭ ۇشۋ جولاعىنا زەرتتەۋ جۇرگىزدى. وندا اۋەايلاقتاردى پايدالانۋدىڭ جارامدىلىعى نورمادان اۋىتقىعانى انىقتالدى»، - دەپ جازادى بەرىك اسىلوۆ.
ءبىراق تەكسەرۋ كەزىندە انىقتالعان كەمشىلىكتەر جويىلماعانىنا قاراماستان كوميتەت وكىلدەرى اۋە ايلاعىنا جارامدىلىق سەرتيفيكاتىن بەرگەن.
«تەكسەرىس قورىتىندىسى بويىنشا انىقتالعان بۇزۋشىلىقتار جويىلعان جاعدايدا قولدانىلۋ مەرزىمى شەكتەۋلى (2023 -جىلى 20-ساۋىرگە دەيىن) اۋەايلاقتىڭ جارامدىلىق سەرتيفيكاتىن بەرۋ تۋرالى شەشىم قابىلداندى. قازىرگى ۋاقىتتا اتالعان بۇزۋشىلىقتار اۋەايلاق اۋماعىنا جاقىن 23 تۇرعىن ءۇي قۇرىلىسىنىڭ ورنالاسۋىنا بايلانىستى جويىلماعان»، - دەلىنگەن باس پروكۋروردىڭ جاۋابىندا.
ەسكە سالساق، بىلتىر ءساۋىر ايىندا ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى Bek Air اۋە كومپانياسىنىڭ Fokker-100 اۋە كەمەسىنە قاتىستى ورىن العان اۆياتسيالىق وقيعانى تەكسەرۋ جۇمىستارى اياقتالعانىن ءمالىم ەتكەن ەدى.
ال 2021 -جىلدىڭ مامىرىندا الماتىداعى اۋە ايلاعىنىڭ ماڭايىندا جەردى زاڭسىز ساتقاندار سوتتالعان بولاتىن.
اۆتور
ەسىمجان ناقتىباي
