جالعا بەرىلەتىن تۇرعىن ۇيگە 23 مىڭ قازاقستاندىق سۋبسيديا الۋعا شاقىرتۋ الادى

نۇر- سۇلتان. قازاقپارات - ەرتەڭ 23 مىڭ قازاقستان ازاماتى مەملەكەتتەن بەرىلەتىن تۇرعىن ءۇي جالداۋعا سۋبسيديا الۋ ءۇشىن ءوتىنىم بەرۋگە شاقىرتۋ الادى.
None
None

بۇل تۋرالى قۇرىلىس جانە تۇرعىن ءۇي كوممۋنالدىق شارۋاشىلىق ىستەرى كوميتەتىنىڭ ءتوراعاسى الماس ىدىرىسوۆ ءمالىم ەتتى، دەپ حابارلايدى قازاقپارات ءتىلشىسى.

«ءبىزدىڭ بانك جالعا بەرىلەتىن تۇرعىن ءۇي سۋبسيدياسىنا وتىنىمدەردى قابىلداي باستادى. قابىلداۋ بيىل 18- ساۋىردەن قولعا الىندى. اتالعان باعدارلاماعا قاتىسا الاتىن 70 مىڭ قازاقستاندىقتىڭ 12 مىڭىنا وتباسى بانكتىڭ اتىنان حابارلاما جىبەرىلدى. ەرتەڭ تاعى 23 مىڭ ازاماتقا جالعا بەرىلەتىن تۇرعىن ءۇي سۋبسيدياسىن الۋعا شاقىرتۋ حابارلاماسى جىبەرىلەدى. رەسپۋبليكالىق جانە جەرگىلىكتى بيۋدجەتتەن قارجى تۇسكەننەن كەيىن سۋبسيديا بەرۋدى باستايمىز دەپ وتىرمىز»، - دەدى «وتباسى بانك» ا ق باسقارما ءتوراعاسى ءلاززات يبراگيموۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

بانك باسشىسىنىڭ ايتۋىنشا، ءوتىنىش بەرۋ ءۇشىن كەزەككە تۇرىپ، بانككە كەلۋدىڭ قاجەتى جوق. ءوتىنىم ونلاين فورماتتا قابىلدانادى.

«جالعا بەرىلەتىن تۇرعىن ءۇي سۋبسيدياسىن الۋعا مىنا 4 ساناتقا جاتاتىن قازاقستان ازاماتتارى جاتادى. 1 جانە 2 توپتاعى مۇگەدەكتەر، مۇمكىندىگى شەكتەۋلى بالا تاربيەلەپ وتىرعان وتباسىلار، كوپبالالى وتباسىلار، جەتىم نەمەسە اتا- اناسىنىڭ قامقورلىعىنان ايرىلعان بالالار»، - دەيدى ول.

اۆتور: ءالي يبرايەۆ

سوڭعى جاڭالىقتار