قازاقپارات كۇنتىزبەسى: 23- شىلدە
اتاۋلى كۇندەر
بۇكىل الەمدىك كيتتەر مەن دەلفيندەر كۇنى
بۇل كۇن 200 جىلعا جالعاسقان اياۋسىز قىرىپ-جويۋدان كەيىن، 1986-جىلى كيتتەردى اۋلاۋعا تىيىم سالعاننان باستاپ كيتتەر قاساپحاناسى حالىقارالىق كوميسسياسى (International Whaling Commission: IWC) تاراپىنان بەكىتىلدى.
تىيىم بۇگىنگى كۇنگە دەيىن ءوز كۇشىندە جانە بارلىق الەمدە كيتتەردى اۋلاۋعا، سونداي-اق ولاردىڭ ساۋداسىنا رۇقسات ەتىلمەيتىندىگىن بىلدىرەدى.
ەستە قالار وقيعالار
1992-جىلى قازاقستان رەسپۋبليكاسى گرۋزيا رەسپۋبليكاسىمەن ديپلوماتيالىق قارىم-قاتىناس ورناتتى.
1992 -جىلى قازاقستان رەسپۋبليكاسى كولۋمبيا رەسپۋبليكاسىمەن ديپلوماتيالىق قارىم-قاتىناس ورناتتى.
1999 -جىلى قازاقستان رەسپۋبليكاسىنىڭ «بۇقارالىق اقپارات قۇرالدارى تۋرالى» زاڭى قابىلداندى.
2004 -جىلى قازاقستاندا مۇناي ساپاسى بانكى قۇرىلدى. كومپانيانىڭ كومىرسۋتەكتى شيكىزات بازاسى مۇنايدى تاسىمالداۋ، ساقتاۋدىڭ ءتۇرلى كەزەڭدەرىندە ونى تەڭەستىرۋگە جول اشادى.
2010 -جىلى فرانسيا سەناتىنىڭ قارجى جونىندەگى كوميسسياسىنىڭ استانا جانە الماتى قالالارىنا ساپارى بارىسىندا كوميسسيا ءتوراعاسى جان ارتيۋي قىزىلاعاش اۋىلىنداعى سۋ تاسقىنىنان زارداپ شەككەن وتباسىلارعا قارجىلاي گۋمانيتارلىق كومەك بەرىلەتىنىن جەتكىزدى.
فرانسيا ەلشىلىگى «جانسۇگىروۆ قورىنا» 30 مىڭ ەۋرو (5,7 ميلليون تەڭگە) مولشەرىندە قاراجات اۋدارعانىن ءمالىم ەتتى. قارجىلاي كومەك قىزىلاعاش اۋىلىنداعى 560 ءۇيدى سۇيىلتىلعان گازبەن قامتاماسىز ەتۋ جانە گاز پليتالارىن ساتىپ الۋعا جۇمسالدى.
2013 -جىلى پاريجدە Euronews تاۋلىكتىك اقپاراتتىق ارناسى مەن «حابار» اگەنتتىگى» ا ق «حابار» اگەنتتىگىنىڭ Euronews Network بىرلەستىگىنە قوسىلۋى تۋرالى كەلىسىمگە قول قويدى.
وسى ارقىلى «حابار» اگەنتتىگى Euronews جاڭالىق كونتەنتىن پايدالانۋ جانە قوعامدىق-ساياسي، ەكونوميكالىق، عىلىمي، مادەني جانە سپورت تاقىرىپتارىندا Euronews قىزمەتكەرلەرى ازىرلەگەن جوعارى ساپالى ماتەريالداردى الۋ مۇمكىندىگىنە يە بولدى.
2019 -جىلى بايقوڭىر عارىش ايلاعىنا ۇشۋ الدىنداعى دايىندىق ءۇشىن Skybot F-850 انتروپومورفتى روبوتى جەتكىزىلدى. Skybot F-850 ادام تەكتەس روبوتىن «Android تەحنيكاسى» كومپانياسى مەن ت ج م تەحنيكالىق تاپسىرماسى بويىنشا پەرسپەكتيۆالىق زەرتتەۋلەر قورى جاساعان.
ول وربيتادا 1,5 اپتا بولىپ، سودان كەيىن جەرگە ورالدى.
2019 -جىلى ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى اەروعارىش كوميتەتىنىڭ «رەسپۋبليكالىق عارىشتىق بايلانىس ورتالىعى» (ر ع ب و) ا ق جانە Intelsat Global Sales Marketing Ltd (Intelsat GSM) حالىقارالىق سپۋتنيكتىك بايلانىس ۇيىمى ىنتىماقتاستىق تۋرالى كەلىسىمگە قول قويدى. سونداي-اق، «ر ع ب و» اق مەن Intelsat gsم وكىلدەرىنىڭ كەزدەسۋى كەزىندە كەلەشەكتە بىرلەسكەن بايلانىس سپۋتنيگىن جاساۋ، سونداي-اق الماتى وبلىسىنداعى «كوكتەرەك» عارىشتىق بايلانىس ورتالىعى بازاسىندا قازاقستاندىق تەلەپورتتى پايدالانۋدىڭ جاڭا مۇمكىندىكتەرى تالقىلاندى.
