تۇركىستان وبلىسىندا ءدارى-دارمەكتى زاڭسىز ساتۋدىڭ 23 فاكتىسى انىقتالدى
بۇل تۋرالى وبلىستىق پروكۋراتۋرا رەسمي مالىمەت تاراتتى، دەپ حابارلايدى قازاقپارات ءتىلشىسى. پروكۋراتۋرانىڭ مالىمەتىنشە، وبلىستا پروكۋراتۋرانىڭ، پوليتسيا، سىبايلاس جەمقورلىققا قارسى ءىس- قيمىل دەپارتامەنتى، ەكونوميكالىق تەرگەۋ، مەملەكەتتىك كىرىستەر جانە فارماتسيەۆتيكالىق باقىلاۋ دەپارتامەنتتەرى قىزمەتكەرلەرىنەن موبيلدى توپتار قۇرىلعان. اتالعان توپ 8-17-شىلدە ارالىعىندا تەكسەرۋ جۇرگىزىپ، 23 فاكتى انىقتاعان. ونىڭ ىشىندە جەكە تۇلعالاردىڭ دارىلىك زاتتى الىپ- ساتۋىنىڭ 5 فاكتىسى جانە ءدارىحانالاردا دارىلىك زاتتاردى قىمبات باعامەن ساتۋدىڭ 18 فاكتىسى تىركەلگەن.
«50 مىڭ تەڭگەدەن استام سوماعا تاركىلەنۋگە جاتاتىن دارىلىك جانە باسقا دا مەديتسينالىق زاتتاردىڭ 396 قاپتاماسى مەن 4449 داناسى اينالىمنان الىندى. انىقتالعان زاڭبۇزۋشىلىقتار بويىنشا كىنالى تۇلعالارعا قاتىستى قۇجاتتار ۋاكىلەتتى ورگانعا جولداندى. بۇگىنگى تاڭدا 9 فاكت بويىنشا ايىپپۇل سالىنسا، 4 قۇجات سوتقا جولداندى. بۇل باعىتتاعى جۇمىس ءالى دە جالعاسۋدا» دەلىنگەن حابارلامادا.
ءدارى-دارمەكتى الىپ- ساتۋ جانە ولاردى كوتەرىڭكى باعامەن ساتۋدىڭ كەز كەلگەن فاكتىلەرىن 87015525525 بايلانىس ءنومىرى مەن 87782255221 WhatsApp جەلىسى ارقىلى حابارلاۋعا بولادى.
