جاڭبىر، بۇرشاق، داۋىل: 23- ءساۋىر كۇنگى اۋا رايى بولجامى

جەكەلەگەن وڭىرلەردە جاڭبىر، نايزاعاي، داۋىل، ەكپىندى جەل، بۇرشاق كۇتىلەدى.

سولتۇستىك-باتىستا تۇمان، وڭتۇستىكتە شاڭدى داۋىل بولجانادى، دەپ حابارلايدى قازاقپارات.

اتاپ ايتقاندا، «قازگيدرومەت» ر م ك مالىمەتىنشە، سولتۇستىك قازاقستان، قوستاناي وبلىستارىندا تۇندە كەي جەرلەردە جەل 15-20 م/س، كۇندىز باسىم بولىگىندە 15-20 كۇشەيەدى، ەكپىنى 23-28 م/س جەتۋى ىقتيمال.

جەكەلەگەن اۋماقتاردا تۇمان كۇتىلەدى.

ماڭعىستاۋ، اتىراۋ، قاراعاندى، كۇندىز اقتوبە، تۇركىستان، قىزىلوردا وبلىستارىنىڭ كەي جەرلەرىندە جەل 15-20 م/س ارتادى.

قىزىلوردا وبلىسىندا شاڭدى داۋىل بولجانادى.

باتىس قازاقستان وبلىسىنىڭ كەي جەرلەرىندە جەلدىڭ كۇشى 15-20 م/س كۇشەيەدى، كۇندىز كەي جەرلەردە بۇرشاق جاۋۋى مۇمكىن.

اقمولا، پاۆلودار وبلىستارىنىڭ كەي جەرلەرىندە جەل 15-20 ارتادى. كۇندىز ەكپىنى 25 م/س جەتەدى. سونداي-اق داۋىل تۇرۋى مۇمكىن. اقمولا وبلىسىندا بۇرشاق بولجانادى.

كۇندىز الماتى وبلىسىنىڭ جالاڭاشكول اۋدانىندا جەل 15-20 م/س كۇشەيەدى.