ۇشاق اپاتىندا جۇكتى ايەلدى جاۋىپ قالعان 23 جاستاعى جىگىت ماراپاتتالدى
الماتى پوليتسياسى عيماراتىندا ىشكى ىستەر ءمينيسترىنىڭ بۇيرىعىمەن 23 جاستاعى تەمىرلان قاداۋوۆقا «توتەنشە جاعدايلاردىڭ الدىن الۋدا جانە جويۋدا ۇزدىك شىققانى ءۇشىن» مەدالى تابىس ەتىلدى.
مەدالدى جاس باتىرعا قالالىق پوليتسيا دەپارتامەنتىنىڭ باستىعى سەرىك كۇدەبايەۆ تاپسىردى.
«جاس جىگىت توتەنشە جاعدايدا باتىلدىق كورسەتىپ، جانىندا وتىرعان جۇكتى ايەلدى دەنەسىمەن جاۋىپ قالدى. ودان بولەك، جاراقات العانىنا قاراماستان ۇشاقتاعى جولاۋشىلاردىڭ تەز ارادا ۇشاقتان شىعۋىنا كومەكتەستى. تەمىرلان قاداۋوۆ بۇل ماراپاتقا ابدەن لايىق. بۇل، ءبىرىنشى كەزەكتە ءوز حالقىنىڭ باتىرعا دەگەن العىسى دەپ تۇسىنگەن ءجون»، - دەپ اتاپ ءوتتى پوليتسيا.
ايتا كەتەيىك، 27-جەلتوقسان كۇنى الماتىدان نۇر-سۇلتان قالاسىنا ۇشىپ شىققان 93 جولاۋشى جانە 5 ەكيپاج مۇشەسى مىنگەن ۇشاق اپاتقا ۇشىرادى. 51 ادام كوز جۇمدى. وقيعانىڭ ءمان-جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى.
«Bek Air» اۋە كومپانياسىنىڭ ۇشاعى قۇلاعان ساتتە جولاۋشىلاردىڭ ءبىرى جانىندا وتىرعان جۇكتى ايەلدى دەنەسىمەن جاۋىپ، امان الىپ قالعان .
