قىتايدا كىناسىز ازامات 23 جىل تۇرمەدە وتىرىپ شىققان

 استانا. قازاقپارات - قىتايدا كىناسىز ازامات 23 جىل تۇرمەدە وتىرىپ شىققان. بۇل تۋرالى Lenta سايتىنا سىلتەمە جاساعان NUR. KZ حابارلايدى.

سوت 50 جاستاعى تسزين چجەحۋننان ادام ءولىمى مەن زورلاۋعا قاتىستى كىنانى الىپ تاستادى. ازامات 30- قاراشا كۇنى بوستاندىققا شىققان.

1995-جىلى 29- قىركۇيەك كۇنى گيرين پروۆينتسياسىنىڭ يۋنتسزي ۋەزىندە تەمىر جولدان 20 جاستاعى ايەلدىڭ دەنەسى تابىلعان. ءبىر ايدان سوڭ 27 جاستاعى تسزيندى ادام ءولتىرۋ جانە زورلاۋ فاكتىسى بويىنشا تۇتقىنداپتى.

وسىلايشا سوت 1996-جىلى قاراشا كۇنى قىتايلىق ازاماتتى ءومىر بويىنا باس بوستاندىعىنان ايىرعان. سوتتالۋشى تەرگەۋ ۋاقىتىندا ءوزىن قيناعانىن ايتقانىمەن سوت ۇكىمدى سولاي قالدىرعان ەكەن.

2014-جىلى جوعارعى سوت تسزين مەن ونىڭ جانۇياسى بەرگەن اپپەلياتسياسىنان كەيىن سوت ءىسىن قايتا قولعا العان.

وسىلايشا، قايتا جۇرگىزىلگەن تەرگەۋ ناتيجەسىندە 23 جىل اباقتىدا وتىرعان ازاماتتىڭ كىناسىز ەكەنى انىقتالىپتى.