الماتى وبلىسىنىڭ جەمىس باقتارى 23 مىڭ گەكتارعا جەتتى
باعباندار بيىل قىس ەرەكشە سۋىق بولسا دا، كوكتەم شارۋاشىلىققا قولايلى بولعانىن ايتادى. الماتى وبلىسىندا باق وسىرۋگە وتە قولايلى ءوڭىردىڭ ءبىرى ۇيعىر اۋدانى. تابيعاتى جۇمساق، توپىراعى قۇنارلى، سۋى مول ايماقتا 3,5 مىڭ گەكتار باق بار. الما، ورىك، شابدالى ءوز الدىنا، اۋدان بىرنەشە جىلدان بەرى جاڭعاقتى دا جەرسىندىرىپ، كوشەت سانىن كوبەيتۋدە. ماسەلەن سۇمبە اۋىلدىق وكرۋگىندە 380 گەكتار جەرگە جاڭعاق وتىرعىزىلدى. بيىلعى جىلى تاعى 300 گەكتار جەرگە وتىرعىزامىز، دەيدى اۋداندىق اۋىلشارۋاشىلىعى ءبولىمىنىڭ باس مامانى راحىمجان وماروۆ.
ال اۋدانداعى باعبانداردىڭ الدى بىرنەشە جىلدان بەرى جيناعان ءونىمىن ەكسپورتقا شىعارۋدا. اسىرەسە وسى جەردىڭ ورىگىنە رەسەيدىڭ ءىرى قالالارىنان سۇرانىس ارتۋدا. بيىل اۋدان ورتالىعىندا جەمىس-جيدەك وڭدەيتىن سەح اشىلادى دەپ جوسپارلانۋدا. بۇل ءونىمدى شيكىزات كۇيىندە ەمەس، ءتۇرلى سۋسىن مەن توساپ جاساپ، دايىن ءونىم رەتىندە جونەلتۋگە مۇمكىندىك تۋعىزباق.
جىل سوڭىندا الماتى وبلىسىنداعى باقتىڭ جالپى اۋماعى 24 مىڭ گەكتارعا جۋىقتاماق. ونىڭ 2200 گەكتارى ينتەنسيۆتى تەحنولوگيامەن وسىرىلسە، قالعان اۋماقتا اتاقتى اپورت باعى وسىرىلەدى.
