سينوپتيكتەردىڭ 23- قاراشاعا ارنالعان اۋا رايى بولجامى

رەسپۋبليكانىڭ كەي جەرلەرىن تۇمان باسىپ، جەل كۇشەيەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، شىعىس قازاقستان وبلىسىنىڭ جارما اۋدانىندا جەلدىڭ ەكپىنى 18-23 م/س كۇشەيۋى كۇتىلەدى، تۇندە جانە تاڭەرتەڭ كەي جەرلەرىندە تۇمان بولادى.

الماتى وبلىسىنىڭ جالاڭاشكول اۋدانىندا جەلدىڭ جىلدامدىعى 20-25 م/س جەتەدى.

جامبىل، وڭتۇستىك قازاقستان، ماڭعىستاۋ، كۇندىز  قىزىلوردا وبلىستارىندا جەلدىڭ ەكپىنى 15-20 م/س ارتادى، جامبىل، تۇندە جانە تاڭەرتەڭ ماڭعىستاۋ وبلىستارىنىڭ كەي جەرلەرىندە تۇمان بولجانادى.

باتىس قازاقستان، اتىراۋ، قاراعاندى، تۇندە پاۆلودار وبلىستارىنىڭ جەكەلەگەن اۋماقتارىندا تۇمان بولادى، اتىراۋ وبلىسىنىڭ كەي جەرلەرىندە جەل 18 م/س كۇشەيۋى ىقتيمال.

اقتوبە، تاڭەرتەڭ جانە كۇندىز قوستاناي وبلىستارىنىڭ كەي جەرلەرىندە جەلدىڭ جىلدامدىعى 15-20 م/س ارتادى.