ارمرەستلينگتەن ازيا چەمپيوناتىندا قازاقستان ءانۇرانى 23 رەت شىرقالدى
شاردارالىق جىگىتتەر ايتۋلى دودادا كوماندالىق ەسەپتە ءبىرىنشى ورىندى ايقىن باسىمدىقپەن يەلەندى، دەپ حابارلايدى قازاقپارات ح ا ا ءتىلشىسى.
ىستىقكول جاعاسىندا 3 كۇنگە سوزىلعان سايىستا ازيا قۇرلىعىنىڭ جاپونيا، ءۇندىستان، كورەيا، مالايزيا، پاكىستان، يران، يراك، موڭعوليا، وزبەكستان، تاجىكستان، قىرعىزستان، قازاقستان تاعى باسقا دا مەملەكەتتەرىنىڭ سپورتشىلارى كۇش سىناستى.
قازاقستاننىڭ قۇراماسى ساپىندا وڭتۇستىك قازاقستان وبلىسى شاردارا اۋدانىنىڭ سپورتشىلارى قاتىستى. وسىناۋ الپاۋىت ەلدەر اراسىندا جەرلەستەرىمىز توپ جارىپ، كوماندالىق ەسەپتە ەڭ ءۇزدىڭ كورسەتكىشتەرگە قول جەتكىزدى. قازاقستاننىڭ انۇرانى 23 رەت شىرقالىپ، كوك تۋىمىز بيىكتە جەلبىرەدى. ودان كەيىنگى Ⅱ ورىندى قىرعىزستان كومانداسى ەنشىلەسە، Ⅲ ورىن يران مەملەكەتىنىڭ سپورتشىلارىنا بۇيىردى.
ايتا كەتەيىك، قازاقستاندىق كوماندا 7 التىن، 4 كۇمىس ەنشىلەسە، جاستار اراسىندا (19 جاس پەن 21 جاس ارالىعى) 5 التىن، 1 كۇمىس مەدالدى ەنشىلەدى. سول سياقتى، ەرەسەك سپورتشىلار سول قولمەن 5 التىن، 4 كۇمىس، ال وڭ قولمەن 6 التىن، 4 كۇمىس، 1 قولاعا قول جەتكىزدى.
جەڭىمپازدار قاتارىندا جاس وسپىرىمدەر بويىنشا ابدۋللا قۇرالاي، سارىباي ەرداۋلەت، قادىر نۇرحان، راحمەت ازامات، كوشكەنبەك نۇرداۋلەت، ايتبەك بەكەت، قارجاۋ ەسبولاتتار ءبىرىنشى ورىنعا تۇراقتادى.
ال، جاستار اراسىندا ابساتتار داۋرەن، انىقباي بەيمەن، وسەرباي قىدىر، قادىر نۇرداۋلەت، ايدارحان نۇرداۋلەت جەڭىمپاز اتاندى. ەرەسەكتەر اراسىندا سول قولدا ايدارحان نۇرداۋلەت، اقتاي تالعات، شامييەۆ ماعجان، قارسىبايەۆ عالىمجان، سادۋاقاسوۆ نۇرداۋلەت، وڭ قولدا قىدىرباي اكىم، رۇستەمبەك تالعاتبەك، شامييەۆ قايىرحان، شامييەۆ ماعجان، قارسىبايەۆ عالىمجان، ءسادۋاقاسوۆ نۇرداۋلەت جەڭىس تۇعىرىنان كورىندى.
بۇل سپورتشىلار ەندى شىلدە ايىندا حورۆاتيا مەملەكەتىندە وتەتىن الەم كۋبوگىنا قاتىساتىن بولادى.
اۆتور: اينۇر اقبايەۆا
