سولتۇستىك قازاقستاندا تۋعان قىلمىسكەر 23 جىل بويى رەسەيدە بوي تاسالاپ جۇرگەن
1993 -جىلى قىلمىستىق پوليتسيا قىزمەتكەرلەرى تايىنشا اۋدانىندا كىسى ءولتىردى دەگەن ايىپپەن كۇدىكتىنى ىزدەستىرىپ جۇرگەن. كيروۆ اۋدانىنىڭ بۇرىن سوتتالعان تۇرعىنى ىشىمدىككە سىلقيا تويىپ الىپ، ءوزىنىڭ اۋىلداسىنا وق اتقان. وق تيگەن ازامات سول جاراقاتىنان كوز جۇمادى. ال، ونى اتقان ەر ادام قۇقىق قورعاۋ ورگانى قىزمەتكەرلەرىنەن قاشىپ كەتىپ، وعان ىزدەۋ جاريالانادى.
سولتۇستىك قازاقستاننىڭ ءتارتىپ ساقشىلارى وسى ۋاقىتقا دەيىن اتالعان ازاماتتىڭ جۇرگەن جەرىن انىقتاۋمەن بولعان. 23 جىلدان سوڭ جەدەل قىزمەتكەرلەر ونىڭ ىزىنە ءتۇستى. ول رەسەيدىڭ ۆولوگودسك قالاسىندا بوتەن بىرەۋدىڭ ەسىمىن جامىلىپ، بوي تاسالاپ جۇرگەن. قازاقستاننىڭ ءتارتىپ ساقشىلارىنا رەسەيلىك قۇقىق قورعاۋ ورگاندارىنىڭ وكىلدەرى قولداۋ كورسەتكەن سوڭ 57 جاسار ازامات قولعا ءتۇستى.
قازىرگى تاڭدا ول رەسەيلىك تەرگەۋ وقشاۋلاعىشتارىنىڭ بىرىندە قاماۋدا وتىر. ەندى ونى قازاقستانعا ەكستراديتسيالاۋ ماسەلەسى قوزعالۋدا.
جىل باسىنان بەرى سولتۇستىك قازاقستاندىق پوليتسەيلەر اۋىر جانە اسا اۋىر قىلمىس جاساعان 24 قىلمىسكەردى قولعا ءتۇسىردى. ولاردىڭ ۇشەۋى بۇرىن جاسالعان قىلمىستار.
