قازاقستاننىڭ اسكەري- تەڭىز كۇشتەرىنە 23 جىل تولدى - فوتو
سودان بەرى كوپ نارسە وزگەردى: قازاقستاندىق فلوتتا وتاندىق وندىرىستەگى جاڭا زىمىران- ارتيللەريالىق كەمە پايدا بولدى. ا ت ك- د اسكەري قىزمەتشىلەر سانى ۇلعايدى، ولاردى وقىتۋ، جاۋىنگەرلىك دايىنداۋ ساپاسى ارتتى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتى.
«اتك العاشقى قالىپاسۋى 1993-1996 -جىلدار بولدى. كەيىننەن اتك بارلىق بولىمدەرىن ۇ ق ك شەكارا قىزمەتىنىڭ جۇيەسىنە بەرۋ تۋرالى شەشىم قابىلداندى. ا ت ك اۋقىمىندا مىندەتتەردى ورىنداۋ ءۇشىن جاعالاۋ قىزمەتى جەتكىلىكتى سانالدى. ۋاقىت وتە كەلە 2003 -جىلعى 7 -مامىردا ا ت ك ق ر قارۋلى كۇشتەرى ءتۇرىنىڭ مارتەبەسىن الۋ تۋرالى شەشىم شىعارىلدى. سوندىقتان دا ۇنەمى ايتىپ جۇرەمىن، ا ت ك- نىڭ ەكى تۋعان كۇنى بار: 1993 -جىلعى 2 -ءساۋىر جانە 2003 -جىلعى 7 -مامىر دەپ»، - دەدى ق ر ق ك ا ت ك باس قولباسشىسى كونتر- ادميرال جانداربەك جانزاقوۆ.
قىزمەتتىڭ جوعارى كورسەتكىشتەرىنىڭ ءبىرى 2014 جانە 2015 -جىلى ا ت ك ق ر ق ك تۇرلەرىنىڭ اراسىندا ءبىرىنشى ورىندى يەلەنىپ، جاۋىنگەرلىك دايىندىق دەڭگەيىنە كوتەرىلدى.
ەگەر العاشقى جىلدارى قازاقستاننىڭ اسكەري تەڭىزشىلەرى تەڭىزدە جىلىنا 10-20 تاۋلىك جۇرسە، قازىر 150-160 تاۋلىك جۇرەدى. مامان دايىنداۋ دەڭگەيى جوعارىلادى، مامانداردى ر ف، تۇركيا، گەرمانيا، قىتاي، وڭتۇستىك كورەياعا وقۋعا جىبەرەمىز. قازاقستاندا اقتاۋ جانە ورال قالالارىنداعى ۋنيۆەرسيتەتتەردە اسكەري كافەدرالار جانە ا ت ك وقۋ ورتالىعى بار. وندا كەلىسىمشارت قىزمەتىنىڭ اسكەري قىزمەتشىلەرى دايىندىقتان وتەدى.
قازىرگى ۋاقىتتا ا ت ك جاراعىندا زاماناۋي زىمىران- ارتيللەريالىق كەمەلەر، شاعىن كۇزەت كەمەسى جانە كاتەر بار. كەلەشەكتە جاڭا «الاتاۋ» مينا- ترالدىق كەمەسىن الۋدى جوسپارلاۋدامىز، ونى پايدالانۋعا ەنگىزۋ قازاقستاندىق اسكەري تەڭىز كۇشىنىڭ قاۋىپسىزدىگىن ارتتىرۋعا ىقپال ەتەتىن بولادى.
