جوعالىپ كەتكەن مالايزيالىق ۇشاقتا 23 ادام تىركەلمەي قالعان
مۇنداي مالىمەتتەر Strait Times گازەتىنىڭ ەلەكتروندىق نۇسقاسىندا جاريالادى.
باسىلىمنىڭ اقپاراتىنشا، ۇشاققا وتىرۋعا تىركەلمەگەندەردىڭ اراسىندا 4 بالا، 8 ايەل جانە 11 ەر ادام بولعان.
ال تىركەلگەن 155 ادامنىڭ بارلىعى ۇشاقتىڭ ىشىندە بولعان، دەپ ناقتىلايدى گازەت، سونىڭ ىشىندە 68 ەر ادام، 70 ايەل، 16 بالا جانە ءبىر نارەستە بولعان، دەپ حابارلايدى تاسس.
بۇدان بۇرىن حابارلاعانىمىزداي، اۋە ديسپەتچەرلىك قىزمەتى مالايزيانىڭ AirAsia اۋە كومپانياسىنىڭ يندونەزيالىق سۋرابايا قالاسىنان سينگاپۋرگە ۇشىپ شىققان ۇشاعىمەن بايلانىستى جوعالتىپ العان. دجاكارتانىڭ كوماندالىق-ديسپەتچەرلىك پۋنكتى مەن QZ 8501 رەيسى اراسىنداعى بايلانىس جەرگىلىكتى ۋاقىت بويىنشا ساعات 06.17-دە ءۇزىلدى.
مالايزيالىق اۋە كومپانياسىنىڭ AirAsia ۇشاعى اۋا رايىنىڭ قولايسىزدىعى سالدارىنان بەليتۋنگ ارالىنىڭ ماڭىنداعى سۋعا قۇلاعان، دەپ جازادى ر ي ا نوۆوستي جەرگىلىكتى ب ا ق-قا سىلتەمە جاساپ.
