شىلىمقۇماردىڭ وتباسى تەمەكى كومپانياسىنان 23 ميلليارد دوللار ءوندىرىپ الدى
امەريكانىڭ فلوريدا شتاتىنداعى سوت ا ق ش- تىڭ R. J. Reynolds Tobacco تەمەكى كومپانياسىنا وكپە وبىرىنان كوز جۇمعان شىلىمقۇمار ادامنىڭ وتباسىنا 23,6 ميلليارد دوللار وتەماقى تولەۋدى مىندەتتەدى، دەپ جازادى شەتەلدىك ب ا ق.
سوت ءىسى 6 جىلعا سوزىلدى. مارقۇمنىڭ ايەلى سينتيا روبەنسون تەمەكى كومپانياسىنا 2008 - جىلى شاعىم تۇسىرگەن بولاتىن. ونىڭ كۇيەۋى مايكل جونسون 1996 - جىلى 36 جاسىندا كوز جۇمدى.
«جونسون تەمەكى شەگۋدى 13 جاسىنان باستادى. ول كۇنىنە 3 قوراپ تەمەكى شەگەتىن جانە ءومىرىنىڭ سوڭىنا دەيىن ول ادەتتەن ارىلا الماي كەتتى»، - دەيدى سينتيا روبەنسوننىڭ ادۆوكاتى كريس چەستنات.
ادۆوكاتتىڭ ايتۋىنشا، تەمەكى كومپانياسى تەمەكىنىڭ زيانى تۋرالى اقپاراتتى ادامدارعا دۇرىس جەتكىزە الماعان. ال بۇل ولقىلىقتارى جونسوندى تەمەكىگە اۋەس قىلىپ، سوڭىندا ولىمىنە سەبەپكەر بولعان.
الدىمەن قازىلار Reynolds Tobacco كومپانياسى روبينسوننىڭ وتباسىنا 16,8 ميلليون دوللار وتەماقى تولەيدى دەپ شەشكەن بولاتىن. كەيىن 7 ساعاتتىق تالقىلاۋدان سوڭ بۇل سوما 23,6 ميلليارد دوللارعا ۇلعايتتى.
جەكە تۇلعاعا بۇنداي ءىرى كولەمدى وتەماقى تولەۋ شتات تاريحىندا بولماعان كورىنەدى. ال Reynolds Tobacco كومپانياسىنىڭ زاڭگەرلەرى سوتتىڭ بۇل شەشىمىنە نارازىلىق ءبىلدىرىپ وتىر.
