قازاقستاندا حالىق سانى ءبىر جىلدا 235 مىڭعا ارتتى

استانا. قازاقپارات - 2017-جىلدىڭ 1- تامىزىندا ەلىمىزدەگى حالىق سانى 18054 مىڭ ادامعا جەتتى، دەپ حابارلايدى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتى.
None
None

«ونىڭ ىشىندە قالالىقتار - 10351,7 مىڭ (%57,3)، اۋىل تۇرعىندارى- 7702,3 مىڭ ادامدى (%42,7) قۇرادى. 2016-جىلعى 1- تامىزبەن سالىستىرعاندا حالىق سانى 235,4 مىڭ ادامعا نەمەسە %1,32 وسكەن»، - دەلىنگەن حابارلامادا.

ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2017-جىلعى قاڭتار-شىلدەدە 222,8 مىڭ ءسابي دۇنيەگە كەلگەن. بۇل 2016-جىلعى قاڭتار-شىلدەگە قاراعاندا %6,5 از. تۋۋدىڭ جالپى كوەففيتسيەنتى 1000 ادامعا شاققاندا 21,27.

2017-جىلعى قاڭتار-شىلدەدە رەسپۋبليكا حالقىنىڭ تابيعي ءوسىمى 2016-جىلعى قاڭتار- شىلدەمەن سالىستىرعاندا 15,3 مىڭ ادامعا نەمەسە %9,5 كەمىپ، 145,5 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 13,89 ادامدى قۇرادى.

اتالمىش كەزەڭدە سانى 77,3 مىڭ ادام قايتىس بولعان، بۇل 2016-جىلعى قاڭتار-شىلدەگە قاراعاندا %0,4 از. كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2017-جىلعى قاڭتار-شىلدەدە ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2016-جىلعى قاڭتار-شىلدەمەن سالىستىرعاندا %39,1 كوبەيىپ، 9711 ادامدى قۇرادى.

ەلىمىزدەن كەتكەن كوشىپ-قونۋشىلاردىڭ تىركەلۋ سانى %2,3 كوبەيىپ، 19407 ادامدى قۇرادى، كوشى-قوننىڭ ايىرىمى - 9696 ادام بولدى.

سوڭعى جاڭالىقتار