پۋتيننىڭ تۋعان كۇنىنە 230 مىڭ رۋبلدىك سمارتفون شىعارىلدى

استانا. قازاقپارات - ۇيالى تەلەفونداردى ارلەۋمەن اينالىساتىن رەسەيلىك Caviar كومپانياسى iPhone 7 نىڭ ارنايى توپتاماسىن شىعاردى.

سمارتفونداردىڭ سانى شەكتەۋلى جانە ولار رەسەي پرەزيدەنتى ۆلاديمير پۋتيننىڭ تۋعان كۇنىنە ارنالعان، دەپ حابارلادى Lenta.ru قازاننىڭ 5- كۇنى تۇسكەن باسپا ءسوز حابارلاماسىنا سىلتەمە جاساپ.

Supremo Putin Damascus اتاۋىنا يە بولعان ۇلگىلەر ورنەكتەرمەن جانە مەملەكەت باسشىسىنىڭ بارەلەفتى پورترەتىمەن بەزەندىرىلگەن. تەلەفون ديزاينىنىڭ ەكى ءتۇرى بار: تيتاندىق گاممادا جانە التىنمەن اشەكەيلى.

 گادجەتتەر جادىنىڭ كولەمى - 128 جانە 256 گيگابايت. جاڭا تەلەفونداردىڭ قۇنى 207 مىڭ رۋبلدەن 232 مىڭ رۋبلگە دەيىن جەتەدى. تيراج 64 دانامەن شەكتەلگەن.