جىل سايىن ورتتەن كەلەتىن شىعىن 230 ميلليون تەڭگەنى قۇرايدى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ىشكى ىستەر مينيسترلىگى توتەنشە جاعدايلار كوميتەتىنىڭ ءتوراعاسى ۆلاديمير بەككەر ءمالىم ەتتى.
«جىل سايىن رەسپۋبليكا بويىنشا ورتا ەسەپپەن العاندا 4 مىڭعا تارتا تابيعي ءورت وقيعالارى تىركەلەدى. ءورت شالعان اۋماقتىڭ ورتاشا العانداعى ءبىر جىلدىق كولەمى 180 مىڭ گەكتارعا جەتەدى. ال وسىناۋ ءتىلسىز جاۋدان بولاتىن شىعىن 230 ميلليون تەڭگەنى قۇرايدى»، - دەدى ۆ. بەكەر.
ونىڭ ايتۋىنشا، جىل باسىنان بەرى ەلىمىزدە 24 ورمان ءورتى وقيعاسى ورىن السا، سونىڭ 4 ەۋى كوكتەمدە شوپتەسىن وسىمدىكتەردى ورتەۋ بارىسىنداعى ءورت قاۋىپسىزدىگى ەرەجەلەرىن ساقتاماۋدان بولعان. تۇتاستاي العاندا، ورمان ورتتەرىنىڭ 80 پايىزعا جۋىعى نەگىزىنەن ادامدار كىناسىنەن، ولاردىڭ سالعىرتتىعىنان ورىن الادى.
«وسىعان بايلانىستى ءى ءى م توتەنشە جاعدايلار كوميتەتى ءورت قاۋپىنىڭ ارتىپ وتىرعان ماۋسىمىندا دالا جانە ورمان ورتتەرىنىڭ الدىن الۋ جانە جويۋ جوسپارىن بەكىتكەن. جوسپارعا سايكەس، وبلىستىق شتابتار قۇرۋ، ورتكە قارسى تاكتيكالىق وقۋ- جاتتىعۋلار وتكىزۋ، كۇشتەردى جۇمىلدىرۋ، حالىقتى اقپاراتتاندىرۋ سەكىلدى ماسەلەلەر پىسىقتالدى»، - دەدى ۆ. بەككەر.
اۆتور: قانات مامەتقازى ۇلى
