استانانىڭ حالىقارالىق اۋەجايىنا 23,6 ميلليون تەڭگە ايىپپۇل سالىندى
بۇل تۋرالى «حابار 24» ارناسى حابارلادى.
ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنەن ءمالىم ەتكەندەي، اۋەجايدىڭ بىرنەشە كەلىسىمشارت جاساۋدا زاڭسىز ارەكەتتەرگە بارعانى انىقتالدى. اتاپ ايتقاندا، مۇناي ونىمدەرىن ساقتاۋ ءۇشىن قولدانىلاتىن ىدىستاردى جالعا الۋ شارتتارى بۇزىلعان. سونداي-اق اۆياتسيالىق وتىندى ساتۋعا قاتىستى كەلىسىمدەردىڭ دە ەرەجەگە ساي ورىندالماعانى بەلگىلى بولعان.
ايتا كەتەيىك، استانا قالاسىنىڭ اكىمشىلىك سوتى وسى جىلدىڭ تامىز ايىندا اۋەجايعا ايىپپۇل سالۋ جونىندە شەشىم شىعارعان ەدى.
ال اكتسيونەرلىك قوعام باسشىلارى مۇنىمەن كەلىسپەي، اپەللياتسيالىق شاعىم تۇسىرگەن بولاتىن. الايدا استانا قالالىق سوتى شەشىمدى وزگەرىسسىز قالدىرىپ، اۋەجايدى اكىمشىلىك جاۋاپقا تارتۋ جونىندە شەشىم شىعاردى.
