يسەكەشيەۆ استاناداعى تۇنگى كلۋبتاردى 23.00-دەن كەيىن جاپتىرماق
بۇل تۋرالى سارسەنبى كۇنى وتكەن پاتەر يەلەرى كووپەراتيۆتەرىنىڭ (پ ي ك) جۇمىسىنا ارنالعان قوعامدىق تىڭداۋدا قالا اكىمى اسەت يسەكەشيەۆ ءمالىم ەتتى.
«ءبىز بۇل ماسەلەنى تالقىلادىق، تۇرعىن ۇيلەردە ورنالاسقان اتالعان ورىنداردىڭ جۇمىسىنا تۇنگى ون بىردەن كەيىن تىيىم سالۋ ماسەلەسىن ءماسليحاتقا ەنگىزۋدى كوزدەپ وتىرمىز»، - دەپ حابارلادى ءا. يسەكەشيەۆ قالاداعى تۇرعىن ءۇي كەشەندەرىنىڭ ءبىرىنىڭ تۇرعىنى قويعان سۇراققا جاۋاپ بەرە وتىرىپ.
«بۇل ماسەلەنى ءماسليحات دەڭگەيىندە شەشۋ قاجەت، ەگەر بولماي جاتسا، زاڭناماعا تۇزەتۋ ەنگىزۋدى وتىنەمىز. تۇرعىنداردىڭ قۇقىقتارى - ءبىرىنشى كەزەكتەگى ماسەلە. سوندىقتان بۇل جەردە (تۇنگى ۋاقىتتا جۇمىس ىستەيتىن ويىن- ساۋىق ورىندارىنا قاتىستى - رەد.) شارالاردى قاتايتۋ مۇمكىندىگىن قاراستىرۋ قاجەت. ءبىرىنشى رەت - ايىپپۇل، ەكىنشى رەت - ايىپپۇل سوماسى كوبىرەك، ءۇشىنشى رەت - قىزمەتىنە تىيىم سالۋ. بىزگە بۇل باعىتتا زاڭنامالىق تۇردەگى جۇمىستى پىسىقتاۋ قاجەت»، - دەپ قورىتىندىلادى استانا اكىمى.
