سيريادا تىكۇشاق قۇلاپ، ا ق ش- تىڭ 22 اسكەري قىزمەتكەرى زارداپ شەكتى

None
اممان. قازاقپارات - سيريانىڭ سولتۇستىك- شىعىسىندا تىكۇشاق اپاتىنان ا ق ش- تىڭ 22 اسكەري قىزمەتكەرى جاراقات الدى، دەپ حابارلايدى قازاقپارات ءتىلشىسى ا ق ش قارۋلى كۇشتەرى ورتالىق قولباسشىلىعىنا سىلتەمە جاساپ.

اپات جەكسەنبى كۇنى بولعان، ءبىراق امەريكالىق اسكەريلەر وقيعا تۋرالى دۇيسەنبىنىڭ كەشىندە حابارلادى. وعان نە سەبەپ بولعانى جانە جاراقاتتىڭ اۋىر- جەڭىلدىگى ناقتىلانعان جوق.

ءار ءتۇرلى دارەجەدە جاراقات العان 22 ادامنىڭ 10 ى «CENTCOM جاۋاپكەرشىلىك ايماعىنان تىس جوعارى دەڭگەيدەگى كومەك كورسەتەتىن مەكەمەلەرگە ەۆاكۋاتسيالاندى»، - دەلىنگەن حابارلامادا.

CENTCOM قارسىلاس تاراپتىڭ اتىسى تۋرالى حابارلانباعانىن مالىمدەپ، وقيعانىڭ سەبەبى تەرگەلىپ جاتقانىن ايتتى.

ا ق ش سيرياداعى «يسلام مەملەكەتى» كۇشتەرىمەن كۇرەس جۇرگىزىپ وتىرعان حالىقارالىق كواليتسيانى باسقارادى. اراب رەسپۋبليكاسىنداعى امەريكالىق قارۋلى كونتينگەنت قاتارى 900 ادامعا جۋىق.

CENTCOM – ا ق ش قورعانىس مينيسترلىگىنىڭ ون ءبىر بىرىككەن جاۋىنگەرلىك قولباسشىلىعىنىڭ ءبىرى. ول تاياۋ شىعىس، شىعىس افريكا جانە ورتالىق ازيا ايماقتارىندا سوعىس قيمىلدارى جاعدايىندا امەريكالىق اسكەردىڭ وپەراتسيالارىن جوسپارلاۋ مەن باسقارۋعا جاۋاپتى. نەگىزگى شتاب فلوريدا شتاتىنىڭ تامپا قالاسىنداعى اۋە بازاسىندا ورنالاسقان.


سوڭعى جاڭالىقتار