بۇقتىرمادا سالىنىپ جاتقان قازاقستانداعى ەڭ ۇزىن كوپىردىڭ 22 تىرەۋى بولادى

ش ق و جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنە سۇيەنسەك، قازىرگى ۋاقىتتا پرەزيدەنت قاسىم-جومارت توقايەۆتىڭ تاپسىرماسىمەن كۇرشىم مەن كوكپەكتى اۋداندارىن جالعايتىن «قىزىل تۋ» وتكەلىندە كوپىر قۇرىلىسى ءجۇرىپ جاتىر.
«نەگىزگى كوپىردىڭ قۇرىلىسىن جۇرگىزۋ ءۇشىن ۇزىندىعى 300 مەترگە جەتەتىن ۋاقىتشا كوپىر سالىندى. قارسى جاعالاۋدا مەردىگەرلەر جول توسەپ، قۇرىلىس ماتەريالدارىن اكەلىپ جاتىر. كوپىردە بارلىعى 22 تىرەۋ بولادى. بۇگىندە ونىڭ 18 ىندە جۇمىس قىزعان»، - دەيدى باسقارما باسشىسى نۇربەك تۇراروۆ.
ونىڭ ايتۋىنشا، قۇرىلىسقا قازاقستاننىڭ تۇكپىر-تۇكپىرىنەن ماماندار تارتىلعان.
بيىل رەسپۋبليكالىق بيۋجەتتەن قوسىمشا 5 ميلليون تەڭگە ءبولىندى. بۇكىل جۇمىس كەستەگە ساي ءجۇرىپ جاتىر. ەستەرىڭىزگە سالا كەتسەك، وسىعان دەيىن بۇقتىرماداعى كوپىر قۇرىلىسىنا 50 ادام تارتىلعانىن حابارلاعان ەدىك.