10:46, 06 - ءساۋىر 2022 | GMT +5
قازاقستانعا زاڭسىز 22 توننا تەمەكى اكەلگەن ادام سوتتالدى
نۇر- سۇلتان. قازاقپارات - قازاقستانعا 22 تونا تەمەكىنى «جالعان ترانزيت» ارقىلى زاڭسىز الىپ كەلگەن ادام باس بوستاندىعىنان ايىرىلدى، دەپ حابارلايدى قازاقپارات ق ر قارجىلىق مونيتورينگ اگەنتتىگىنىڭ باسپا ءسوز قىزمەتىنە سىلتەمە جاساپ.
ءباسپاسوز مالىمەتتەرىنە قاراعاندا، ماڭعىستاۋ وبلىسى بويىنشا قارجىلىق مونيتورينگ اگەنتتىگىنىڭ اۋماقتىق دەپارتامەنتىنىڭ قىزمەتكەرلەرى وسى ارەكەتكە قاتىستى ءىستى تەرگەۋدى اياقتادى. ايىپتى دەپ تانىلعان ادام الدىن الا دايىندالعان قىلمىستىق جوسپار بويىنشا ماڭعىستاۋ وبلىسىنىڭ «قۇرىق» تەڭىز پورتىنان جامبىل وبلىسىنا دەيىن قازاقستان رەسپۋبليكاسىنىڭ اۋماعى ارقىلى «ءازىربايجاننان اۋعانستانعا» ترانزيتكە جالعان مالىمدەلگەن تەمەكىلەردى بار جۇك كولىگىن ايداعان، الايدا ول الماتى وبلىسىنىڭ اۋماعىندا زاڭسىز جۇك ءتۇسىرۋ كەزىندە قىلمىس ۇستىندە ۇستالدى.
«سوت باس بوستاندىعىنان ايىرۋ جازاسىن تاعايىندادى، پايدالانىلعان جۇك كولىگى مەن زاڭسىز اكەلىنگەن تەمەكىلەر مەملەكەت كىرىسىنە اينالدىرىلدى»، - دەلىنگەن حابارلامادا.
