تەمىرتاۋدا 22 جىل قۇلدىقتا بولعان ايەلگە پاتەر سىيعا بەرىلدى
مادينا 22 جىل قىستاقتا قۇلدىقتا بولعان. ونىڭ ءۇش بالاسى بار. «حارەكەت» قايىرىمدىلىق قورى جالعىزباستى اناعا ەكى بولمەلى پاتەردىڭ كىلتىن تابىستادى.
«بۇل كەلىنشەك تۋرالى «قايسار» قايىرىمدىلىق قورى ارقىلى بىلدىك. قور وكىلدەرى وعان بوستاندىققا شىعۋعا كومەكتەسكەن جانە ونىمەن ءبىر جىل جۇمىس ىستەدى. ال ءبىز ماديناعا تەمىرتاۋدا ەكى بولمەلى پاتەر سىيلاۋدى ۇيعاردىق. پاتەر جاقسى، جوندەۋ جۇمىستارى جاسالعان»، - دەيدى قاراعاندى وبلىسى بويىنشا «حارەكەت» ق ق ديرەكتورى اقتوتى ءجۇنىسوۆا.
قازىر مادينا مەن ونىڭ بالالارىنىڭ ءومىرى جاقسارىپ كەلەدى. «مەنىڭ وتباسىما كومەكتەسكەندەردىڭ بارلىعىنا راحمەت ايتقىم كەلەدى. «حارەكەت» جانە «قايسار» قورلارىنا ەرەكشە العىس بىلدىرەمىن. ولار مەنىڭ اياعىما تۇرىپ، قالىپتى ومىرگە ورالۋىما كەمەكتەستى»، - دەيدى مادينا.
ەستەرىڭىزگە سالا كەتەيىك، «حارەكەت» ق ق ءۇش جىلدان بەرى جۇمىس ىستەپ كەلەدى. وسى ۋاقىت ىشىندە قور رەسپۋبليكا بويىنشا 500-گە جۋىق وتباسىن، ونىڭ ىشىندە قاراعاندى وبلىسىندا 80-نەن استام جانۇياعا باسپانا سىيلادى. «حارەكەت» جەتىم، كوپبالالى، جەسىر، جالعىزباستى انالارعا، ەرەكشە بالا تاربيەلەپ وتىرعان وتباسىلارعا كومەكتەسەدى.
اۆتور: اگاتا مۋحامەدجانوۆا
