22:44, 20 - مامىر 2021 | GMT +5
گولوۆكيندى 22 نوكاۋتى بار امەريكالىق چەمپيون جەكپە-جەككە شاقىردى
نۇر-سۇلتان. قازاقپارات - ورتا سالماقتا WBC چەمپيونى امەريكالىق دجەمالل چارلو (31-0، 22 ك و) ءوزىنىڭ كەزەكتى جەكپە-جەگى الدىنداعى باسپا ءسوز ءماسليحاتىندا قازاقستاندىق گەننادي گولوۆكينمەن (41-1-1، 36 ك و) جەكپە-جەكتى تاعى ءسوز ەتتى، دەپ حابارلايدى Vesti.kz.
چارلو كەلەسى جەكپە-جەگىندە WBC رەيتينگىندە ءبىرىنشى تۇرعان مەكسيكالىق حۋان مونتيەلمەن شىعادى. بوكس كەشى 19- ماۋسىم حيۋستوندا وتەدى.
«ەڭ مىقتى دەگەندەرمەن جۇدىرىقتاسۋعا دايىنمىن. بەلبەۋىم بار. چەمپيوندار چەمپيوندارمەن ايقاسادى. تيتۋلدارى بار باسقا دا جىگىتتەر بار - گولوۆكين، «كانەلو»، اندرادە - سوندىقتان مۇنداي ايقاس اقىرى بولادى. مەن اسىقپايمىن، ءالى جاسپىن.
گولوۆكينمەن جەكپە-جەك تۋرالى جاقسى سۇراق، ءبىراق، مەن بىلمەيمىن. وزىنەن سۇراڭىزدار. ەگەر وعان WBC بەلبەۋى كەرەك بولسا، مەن جەكپە-جەككە اشىقپىن. چەمپيوندارمەن ايقاس ءسوزسىز ءوتۋ كەرەك، الايدا، اسىعاتىن ەشتەڭە جوق، جاسىم 31 دە، ومىردەن ءلازات الىپ ءجۇرمىن»، - دەپ بەرەدى چارلونىڭ ءسوزىن Boxingnews24.com.
