رەسەيدە كوروناۆيرۋس جۇقتىرعاندار سانى تاۋلىگىنە 22 مىڭ ادامنان استى
ماسكەۋ. تاسس - قازاقپارات - رەسەيدە كوروناۆيرۋس جۇقتىرعاندار سانى تاۋلىگىنە 22572 گە ارتىپ، جالپى سانى 1925825 كە جەتتى.
بۇل تۋرالى جەكسەنبى كۇنى جۋرناليستەرگە كوروناۆيرۋسپەن كۇرەس جەدەل شتابى مالىمدەدى، دەپ حابارلايدى قازاقپارات تاسس اگەنتتىگىنە سىلتەمە جاساپ.
ءبىر كۇن بۇرىن شتاب 22702 ادامنىڭ ينفەكتسياعا شالدىققانىن حابارلاعان. بۇل پاندەميا باستالعالى تىركەلگەن ەڭ جوعارى كورسەتكىش. تاۋلىكتىك ءوسۋ قارقىنى داعىستان، حانتى- مانسيسك اۆتونومدى وكرۋگى (%0,6 دان)، ماري ەل، قالماقستان، تاتارستان جانە چۋكوتكا اۆتونومدى وكرۋگىندە (%0,7 دان) تومەن.
جاڭا جۇقتىرۋ وقيعالارى: ماسكەۋدە - 6271، سانكت- پەتەربۋرگ - 1944، ماسكەۋ وبلىسىندا - 812، نيجگورود وبلىسىندا - 412 جانە كارەليادا - 358.
قازىرگى ۋاقىتتا رەسەي فەدەراتسياسىندا 452654 ادام سىرقاتتانىپ جاتىر. كوروناۆيرۋستان جازىلىپ شىققانداردىڭ سانى تاۋلىگىنە 14456 عا ارتىپ، جالپى سانى 1439985 كە جەتتى.
شتاب مالىمەتىنشە، ساۋىققان ناۋقاستار سانى %74,9 دان %74,8 عا تومەندەگەن. رەسەيدە ءبىر تاۋلىكتە كوروناۆيرۋستان 352 ناۋقاس كوز جۇمدى. ءبىر كۇن بۇرىن بۇل كورسەتكىش 391 بولاتىن. جالپى جاڭا ينفەكسيا ر ف- دا 33186 ادامنىڭ ءومىرىن قيدى.
