دونالد ترامپ كۇنىنە 22 رەت وتىرىك ايتادى - زەرتتەۋ

نۇر- سۇلتان. قازاقپارات - حالىقارالىق فاكتىلەردى تەكسەرۋ كۇنى قارساڭىندا CNN دونالد ترامپتىڭ ايتقاندارىنىڭ راس- وتىرىگىنە قاتىستى زەرتتەۋ ناتيجەلەرىن جاريالادى.

 «پرەزيدەنت قىزمەتىنە كىرىسكەن 802 كۇندە ا ق ش پرەزيدەنتى دونالد ترامپ  9451 جالعان مالىمەت ايتتى. مۇنداي زەرتتەۋدى Washington Post رەداكسياسى جۇرگىزدى»، - دەپ جازادى باسىلىم.

 ماقالادا اتاپ وتىلگەنىندەي، «دونالد ترامپتىڭ وتىرىك ايتاتىنى ەشقانداي دا جاڭالىق ەمەس». دەگەنمەن، باسىلىم سوڭعى التى ايدا امەريكا باسشىسىنىڭ ايتاتىن وتىرىگىنىڭ تىم كوبەيىپ كەتكەنىن العا تارتىپ، وسىنى جاڭالىق دەۋگە بولاتىنىن جازىپ وتىر.

«سوڭعى 200 كۇندە دونالد ترامپ كۇنىنە 22 وتىرىك ايتقان ەكەن. بۇل پرەزيدەنتتىك قىزمەتكە كىرىسكەن العاشقى جىلعا قاراعاندا 5,9 ەسە كوپ بولىپ تۇر»، - دەلىنگەن اقپاراتتا.

اۆتور: ايكۇمىس بولاتبەك