ءتۇر-كەلبەتى 22 جىلدان بەرى وزگەرمەگەن قىتايلىق تەلەجۇرگىزۋشى جۇرتتى تاڭعالدىردى - ۆيدەو
استانا. قازاقپارات - قىتايداعى ايگىلى CCTV ارناسى اۋا-رايى بولجامىنىڭ مۇمكىن دەگەن بارلىق نۇسقالارىن 1996 -جىلى ءتۇسىرىپ تاستاعان!
22 جىلدان بەرى ءتۇر-كەلبەتى وزگەرمەگەن تەلەجۇرگىزۋشىنى كورگەن جۇرت ءدال وسىلاي دەپ دابىل قاقتى.
كورەرمەندەر ⅩⅩ عاسىردىڭ سوڭىنان باستاپ كوگىلدىر ەكراننان تۇسپەي كەلەتىن جۇرگىزۋشىنىڭ سىرتقى كەلبەتىنە تاڭداي قاعۋدا.
جاپپاي ەل تالقىسىنا تۇسكەن ايەلدىڭ اتى-ءجونى - يان دان. بۇل ايەلدىڭ جاسى - 44-تە، الايدا وعان سەنۋ قيىن. دەسە دە جۇرگىزۋشى مىنە، 22 جىلدان بەرى قىتاي ارناسىندا ۇزدىكسىز جۇمىس ىستەپ كەلەدى.
جەلىدە يان داننىڭ كەزەكتى رەت اۋا-رايىنا جاساعان بولجامى ۆيرۋسقا اينالدى. بەينەجازبادا ايەلدىڭ 22 جىلدان بەرى اۋا-رايىن جۇرگىزىپ كەلەتىنى جانە سىرت كەلبەتىنىڭ ەش وزگەرمەگەنى ايتىلعان.
يان دان العاش رەت كوگىلدىر ەكرانعا 1996 -جىلى شىققان. ول شاقتا Spice Girls توبى اسا تانىمال ەدى، سونداي-اق، الەمدەگى ەڭ كوپ تارالعان تەلەفون Nokia بولاتىن.
«ونىڭ بولجامىن تاماشالاپ كەلە جاتقان كورەرمەندەردىڭ باسىم بولىگى ەسەيىپ كەتتى. ءبىراق ول وزگەرمەيدى. ءتىپتى، جىل سايىن جاسارىپ بارا جاتقان سياقتى»، - دەپ اتاپ ءوتتى جەلى قولدانۋشىلارىنىڭ ءبىرى.
جۇرت يان داندى قارتايمايتىن حانشايىم اتاپ كەتتى. حالىققا يان داننىڭ جاس بولىپ قالۋىنىڭ سەبەبى قىزىق.
