سينوپتيكتەردىڭ 22 -اقپانعا ارنالعان اۋا رايى بولجامى
كەي جەرلەرىندە قار جاۋىپ، كوكتايعاق كۇتىلەدى، جاياۋ بۇرقاسىن بولادى. سونداي-اق رەسپۋبليكانىڭ باسىم بولىگىندە تۇمان بولجانادى. بۇل تۋرالى «قازگيدرومەت» ر م ك- دان حابارلادى.
اتاپ ايتقاندا، الماتى وبلىسىنىڭ كەي جەرلەرىندە تۇمان، كوكتايعاق بولادى، جالاڭاشكول اۋدانىندا جەلدىڭ ەكپىنى 20-25 م/س كۇشەيەتىنى كۇتىلۋدە.
قاراعاندى، شىعىس قازاقستان، اقمولا وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولادى، جەل 15-20 م/س كۇشەيەدى، شىعىس قازاقستان وبلىسىندا ونىڭ ەكپىنى 25 م/س جەتەدى.
سولتۇستىك قازاقستان، پاۆلودار وبلىستارىنىڭ كەي جەرلەرىندە جەلدىڭ جىلدامدىعى 15-22 م/س ارتادى، جاياۋ بۇرقاسىن بولادى.
جامبىل وبلىسىنىڭ كەي جەرلەرىندە تۇمان كۇتىلەدى، تۇندە كوكتايعاق بولادى، جەلدىڭ كۇشى 15-20 م/س جەتەدى.
وڭتۇستىك قازاقستان، قىزىلوردا، ماڭعىستاۋ، اتىراۋ، باتىس قازاقستان وبلىستارىنىڭ كەي جەرلەرىندە تۇمان بولجانادى، قىزىلوردا وبلىسىندا كوكتايعاق بولادى.
قوستاناي وبلىسىنىڭ كەي جەرلەرىندە جاياۋ بۇرقاسىن، تۇمان بولادى.
