قازاقستان شيكىزاتتىق ەمەس تاۋار ەكسپورتىن 22 پايىزعا ءوسىردى
«2017 -جىلى بارلىق ماڭىزدى كورسەتكىشتەر بويىنشا قازاقستاننىڭ سىرتقى ساۋداسىندا وڭ قارقىن ورىن الدى. ءبىز 2016 -جىلمەن سالىستىرعاندا سىرتقى ساۋدا اينالىمىنداعى 25,1 پايىز دەڭگەيىندەگى ەداۋىر ءوسىمدى بايقاپ وتىرمىز. 2017 -جىلعى اقشالاي ماندەگى كورسەتكىش 69,5 ميلليارد ا ق ش دوللارىنا جەتتى. 2016 -جىلى بۇل كورسەتكىش 55,5 ميلليارد دوللارىن قۇراعان بولاتىن»، - دەدى ب. بەكەشيەۆ ورتالىق كوممۋنيكاتسيالار قىزمەتىندە.
وسى ورايدا ول 2017 -جىلى ەلىمىزدىڭ سىرتقى ساۋدا قۇرىلىمى ايتارلىقتاي وزگەرگەندىگىن اتاپ كورسەتتى. ەكسپورت قۇرىلىمىندا شيكىزاتتىق ەمەس ءونىمنىڭ ۇلەسى ارتىپ كەلەدى.
«قازاقستان ەكسپورتىنىڭ جالپى كولەمى 31,6 پايىزعا ءوستى جانە 43,1 ميلليارد ا ق ش دوللارىن قۇرادى (2016 -جىلى 32,7 ميلليارد ا ق ش دوللارى). شيكىزاتتىق ەمەس تاۋارلاردىڭ ۇلەسى ايتارلىقتاي ۇلعايدى، بۇل كورسەتكىش بويىنشا ءوسىم 22,1 پايىزعا جەتتى. قازاقستان 14 ميلليارد ا ق ش دوللارىنان استام سوماعا شيكىزاتسىز ءونىمدى ەكسپورتتادى»، - دەدى بەكەشيەۆ.
ونىڭ اتاپ وتۋىنشە، ە ا ە و الاڭىن قولدانۋ ءوزارا ءتيىمدى ساۋدالىق ۋاعدالاستىقتاردىڭ ەسەبىنەن ءۇشىنشى ەلدەردىڭ نارىعىنا قول جەتكىزۋدى كەڭەيتۋگە مۇمكىندىك بەرەدى.
«ماسەلەن، ۆەتنامعا ەكسپورتتى الساق، ونىمەن ەركىن ساۋدا تۋرالى كەلىسىم 2015 -جىلى جاسالعان بولاتىن. 2017 -جىلى بۇل كەلىسىم ىسكە قوسىلىپ، ەكسپورت 20 ەسەدەن استام ءوستى جانە 274,2 ميلليون ا ق ش دوللارىنا جەتتى. سونداي- اق بۇگىنگى كۇنى ءبىز يرانمەن ەركىن ساۋدا تۋرالى جانە ق ح ر- مەن ساۋدا- ەكونوميكالىق ىنتىماقتاستىق تۋرالى كەلىسىمدەر بويىنشا كەلىسسوزدەردى اياقتادىق. بۇل بولاشاقتا اتالعان ەلدەرمەن ساۋدا كولەمىن ارتتىرۋعا مۇمكىندىك بەرەدى»، - دەدى ب. بەكەشيەۆ.
اۆتور: رۋسلان عابباسوۆ
