13:23, 24 - قاڭتار 2018 | GMT +6
ا ق ش- تا بۇعاتتالىپ جاتقان 22 ميلليارد دوللاردىڭ تاعدىرى شەشىلدى
استانا. قازاقپارات - ۇلتتىق قوردىڭ اكتيۆتەرىنە قويىلعان شەكتەۋ الىنىپ تاستالدى. بۇل تۋرالى ادىلەت مينيسترلىگىنىڭ باسپا ءسوز قىزمەتى حابارلايدى.
23- قاڭتار كۇنى امستەردامنىڭ وكرۋگتىك سوتى ۇلتتىق بانكتىڭ ۇلتتىق قور اكتيۆتەرىنە قويىلعان شەكتەۋدى الىپ تاستاۋ تۋرالى ءوتىنىشىن قاناعاتتاندىردى. قارجى Bank of NewYork Mellon بانكىندە ساقتاۋدا بولعان.
سوت ۇلتتىق بانك پەن قازاقستان ادىلەت مينيسترلىگىنىڭ ۇلتتىق قور اكتيۆتەرىنە قول سۇعۋعا بولمايتىنى تۋرالى ۇستانىمىمەن كەلىستى.
بۇعان دەيىن گوللانديالىق سوت مولداۆيالىق بيزنەسمەن اناتول ستاتيدىڭ اتالمىش اكتيۆتەردى بۇعاتتاۋ تۋرالى ءوتىنىشىن قاناعاتتاندىرماعان بولاتىن. ول بۇل فاكتىنى جاسىرىپ، سوتتى جاڭىلىستىرعان.
سوت ستاتيدى قازاقستاندىق تاراپتىڭ سوتقا كەتىرگەن شىعىندارىن وتەۋگە مىندەتتەدى.
ءدال وسىنداي الدىن الا بۇعاتتاۋ بەلگيالىق سوت ورگاندارى تارابىنان دا جاسالعان. ونىڭ كۇشىن جويۋعا باعىتتالعان جۇمىستار ءوز كەزەگىندە جۇرگىزىلىپ جاتىر.
