سولتۇستىك كورەيا پحەنچحانداعى وليمپياداعا 22 سپورتشى جىبەرمەك

استانا. قازاقپارات - پحەنچحانداعى قىسقى وليمپياداعا 22 سولتۇستىك كورەيالىق سپورتشى قاتىسادى. مۇنداي شەشىمدى حالىقارالىق وليمپيادا كوميتەتى (ح و ك) قابىلداعان، دەپ جازادى BBC.

لوزانندا وتكەن وتىرىس بارىسىندا ح و ك ك ح د ر- گە ويىندارعا قاتىسۋعا كۆوتا ۇسىنعان. سولتۇستىك كورەيانىڭ نامىسىن قورعايتىن سپورتشىلار بەس ديستسيپلينا بويىنشا سپورتتىڭ ءۇش تۇرىنەن وتەتىن جارىستارعا قاتىسادى: جۇگىرۋ، تاۋ شاڭعىسى، مانەرلەپ سىرعاناۋ، شورت-ترەك جانە ايەلدەر حوككەيى.

9- اقپاندا وتەتىن وليمپيادانىڭ اشىلۋ سالتاناتىندا ك ح د ر مەن وڭتۇستىك كورەيا «ءبىرتۇتاس كورەيا» جالاۋىنىڭ استىندا بىرگە وتەدى. تۋدى ءار ەلدىڭ ءبىر-بىردەن ەكى سپورتشىسى كوتەرىپ جۇرەدى.

ح و ك باسشىسى توماس باحتىڭ ايتۋىنشا، ك ح د ر سپورت دەلەگاتسياسىنىڭ قۇرامىندا 24 شەنەۋنىك پەن ب ا ق- تىڭ 21 وكىلى بولادى.

بىرىككەن ايەلدەر حوككەي كومانداسىنىڭ قۇرامىنا وڭستۇستىك كورەيانىڭ 23 سپورتشىسى مەن ك ح د ر- ءدىڭ 12 سپورتشىسى كىرەدى.

ايتا كەتەيىك، بۇعان دەيىن ءبىز وڭتۇستىك كورەيانىڭ پحەنچحان قالاسىندا وتەتىن XXIII قىسقى وليمپيادا ويىندارىنىڭ سالتاناتتى الىشۋ راسىمىندە قوس كورەيا ءبىر تۋدىڭ استىندا سپورتشىلاردى باستاپ شىعاتىندىعى تۋرالى حابارلاعان بولاتىنبىز.