گەرمانيانىڭ مەملەكەتتىك قارىزى 22 جىلدا العاش رەت ازايا باستادى
استانا. قازاقپارات - گەرمانيانىڭ مەملەكەتتىك قارىزى سوڭعى 22 جىلدان بەرى العاش رەت ازايا باستاعان.
ەل استاناسى بەرلين قالاسىنىڭ ورتالىعىنداعى ەلەكتروندى «بورىش ساعاتى» مەملەكەتتىك قارىزدى كەرى رەتپەن ساناۋدى باستاعان.
گەرمانيانىڭ قارىزى ەكى تريلليون ەۋروعا دەيىن جەتكەن بولاتىن، ءبىراق قازىر ول سەكۋند سايىن 78 ەۋروعا ازايىپ جاتىر.
گەرمانيا سالىق تولەۋشىلەرى اسسوتسياتسياسىنىڭ باسشىسى راينەر حولتسناگەل ۇكىمەتتى قارىزدى وتەۋ جانە بيۋجەت پروفيتسيتىن ساقتاۋ باعىتىنان تايماۋعا شاقىرعان. ونىڭ سوزىنشە، مۇنداي جاعدايعا ەلدىڭ فەدەرالدىق ايماقتارىن پاراساتتىلىقپەن قارجىلاندىرۋدىڭ ارقاسىندا قول جەتىپ وتىر.
