وڭتۇستىكتەن 22 مىڭنان استام وتباسى سولتۇستىككە كوشەتىن بولادى

شىمكەنت. قازاقپارات - «تۇرعىن ءۇي قۇرىلىس جيناق بانكى» وڭتۇستىكتەن سولتۇستىككە كوشەتىن ازاماتتار ءۇشىن جەڭىلدىكتەر قاراستىرۋدا، دەپ حابارلايدى قازاقپارات وڭتۇستىك قازاقستان وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ماماندارىنا سىلتەمە جاساپ.

بانك قونىس اۋدارۋشىلارعا تۇرعىن ءۇي باعاسىنىڭ 50 پروتسەنتىنەن دە تومەن باعادا باسپانا الۋعا مۇمكىندىك جاساپ وتىر.

ۆەدومستۆونىڭ مالىمەتتەرى بويىنشا، سولتۇستىككە كوشۋگە نيەت بىلدىرگەندەرگە مەملەكەتتەن اۋقىمدى كومەك كورسەتىلەدى. ستاتيستيكالىق مالىمەتتەرگە قاراعاندا، سوڭعى ءۇش جىلدا ماقتاارال اۋدانىنىڭ تۇرعىندارى 272 مىڭ ادامعا كوبەيگەن.

سارىاعاش اۋدانىندا بۇل كورسەتكىش 100 مىڭ ادامدى قۇراپ وتىر. اتالعان كورسەتكىشتەردى ازايتۋ ماقساتىندا الداعى 5 جىلدا 22 مىڭنان استام وتباسىلاردى سولتۇستىك وڭىرگە كوشىرۋ جوسپارى بار.

ايتا كەتەتىن ماسەلە، تۇرعىنداردى سولتۇستىككە كوشىرۋ باعدارلاماسى باستالعالى بەرى اتالمىش ايماققا 58 مىڭ 904 وتباسى قونىس اۋدارىپ، ولاردىڭ 40 پروتسەنتى وڭتۇستىك وڭىردەن كەلگەندەر بولىپ وتىر.

بۇل ءوز كەزەگىندە ەل تۇرعىندارىنىڭ بەلسەندىلىكتەرىنىڭ جوعارى ەكەندىگىن كورسەتەدى، سوندىقتان بولاشاقتا بۇل كورسەتكىشتەردى تومەندەتپەۋگە كۇش سالىنۋدا.

وسىعان قاراي جۇمىس ورىندارى مەن بەرىلەتىن جەڭىلدىكتەرگە قاتىستى كەڭ اۋقىمدى ءتۇسىندىرۋ جۇمىستارى ءجۇرىپ جاتىر. سولتۇستىككە كوشۋ جونىندە شەشىم قابىلداعان كەز كەلگەن ازامات بار باسىمدىقتاردى پايدالانا الاتىنىن ايتا كەتۋ كەرەك.