اسقار مىرزاحمەتوۆ: استانا قالاسىنىڭ ازىق- تۇلىك بەلدەۋىندە 22 ءسۇت وندەۋ كاسىپورنى بار

استانا. قازاقپارات - ق ر پرەمەر- ءمينيسترىنىڭ ورىنباسارى - ق ر اۋىل شارۋاشىلىعى ءمينيسترى اسقار مىرزاحمەتوۆ اقمولا وبلىسىنا جۇمىس ساپارى بارىسىندا استانا قالاسىنىڭ ازىق- تۇلىك بەلدەۋىندەگى ءسۇت ونىمدەرىن ءوندىرۋ نارىعىنىڭ دامۋ مۇمكىندىكتەرىن تىزبەلەدى، دەپ حابارلايدى ق ر ا ش م باسپا ءسوز قىزمەتى.

«استانا قالاسىنىڭ ازىق- تۇلىك بەلدەۋىندە 22 ءسۇت وندەۋ كاسىپورنى بار. بۇل رەتتە وسى كاسىپورىنداردىڭ ونىمدىلىگى سارى ماي بويىنشا %40 دى قۇراسا، ىرىمشىك پەن سۇزبە - %30,7 دى قۇرايدى. وسى كاسىپورىنداردىڭ ونىمدىلىگىن ارتتىرۋ ءۇشىن جىلىنا 100,5 مىڭ توننا ءسۇت قاجەت بولادى»، - دەدى مينيستر.

«وسىعان قاراماستان، ازىق- تۇلىك بەلدەۋىندە جەكە قوسالقى شارۋاشىلىقتارمەن 470 مىڭنان استام ءسۇت ونىمدەرى وندىرىلەدى. ونىڭ ىشىندە 54168 مىڭ تونناسى عانا قايتا وندەۋگە جىبەرىلەدى. ناتيجەسىندە 239945 توننا ءسۇت الامىز، وسى قالعان ءسۇت ونىمدەرىن ج ق ش ءسۇت وندەۋ زاۋىتتارىنا ونىمدىلىگىن ارتتىرۋعا جىبەرە الاتىن بولادى»، - دەپ تولىقتىردى ول.

ونىڭ ايتۋىنشا، بۇل ءۇشىن ءسۇت قابىلداۋ پۋنكتتەرىن اشۋ كەرەك بولادى. ال لوگيستيكانى قامتاماسىز ەتۋ ءۇشىن ءسۇت تاسىمالداۋشىلاردى ساتىپ الۋ قاجەت.

سونداي- اق، ا. مىرزاحمەتوۆ 2016 -جىلى رەسپۋبليكا بويىنشا 150 ءسۇت قابىلداۋ پۋنكتتەرىن اشۋ جوسپارلانىپ وتىرعانىن اتاپ ءوتتى. ولار نەگىزىنەن 6 ازىق- تۇلىك بەلدەۋى ايماقتارىندا قاراستىرىلادى.