بۇل رامازاندا 22 ساعات بويى اۋىز بەكىتەتىن ەلدەر بەلگىلى بولدى

استانا. قازاقپارات - شۆەتسيا، نورۆەگيا جانە يسلانديانىڭ كەيبىر قالالارىندا مۇسىلماندار بۇل رامازان ايىندا شامامەن 22 ساعات اۋىز بەكىتەتىن بولادى، دەپ جازادى ihsan.kz.

ستوكگولم شۆەد الەۋمەتتىك ىستەرى جانە ءدىن قىزمەتتەرى اتتاشەسى فاتيح مەحمەت كاراجانىڭ مالىمدەۋىنشە، تۇركيانىڭ ءدىن ىستەرى باسقارماسىنىڭ كەستەسىنە سايكەس، شۆەتسيانىڭ كيرۋنا، نورۆەگيانىڭ ترومسو قالالارى مەن يسلانديانىڭ استاناسى رەيكياۆيكتە اۋىز بەكىتۋ ۋاقىتىنىڭ ۇزاقتىعى شامامەن 22 ساعات بولماق، ال ستوكگولم، وسلو، كوپەنگاگەن جانە حەلسينكي قالالارىندا 20 ساعات بولادى.

رەيكياۆيك قالاسىندا ءومىر ءسۇرىپ جاتقان مۇسىلماندار رامازاننىڭ العاشقى كۇنىندە 21 ساعات 38 مينۋت اۋىز بەكىتىپ، الەمدەگى ەڭ ۇزاق اۋىز بەكىتكەن مۇسىلمانداردان بولسا، ارگەنتينانىڭ ۋشۋايا قالاسىنداعى مۇسىلماندار 9 ساعات 7 مينۋت اۋىز بەكىتىپ، الەمدەگى ەڭ قىسقا ۋاقىت اۋىز بەكىتكەندەردەن بولماق.

بۇعان دەيىن حابارلاعانىمىزداي، قازاقستاندىقتار 17-18 ساعاتقا سوزىلادى.

مىنا سىلتەمە ارقىلى ورازا كەستەسىمەن تانىسۋعا بولادى.