08:29, 02 - قىركۇيەك 2015 | GMT +5
كومپيۋتەر مەن ۇزدىكسىز 22 كۇن بويى ويىن ويناعان ازامات كوز جۇمدى
استانا. قازاقپارات - باشقۇرتستاندا كومپيۋتەر الدىندا ۇزدىكسىز 22 كۇن بويى وتىرعان 17 جاسار جاسوسپىرىم قايتىس بولدى، دەپ حابارلايدى ت ا س س.

وقيعاعا قاتىستى تەكسەرۋ جۇرگىزىلۋدە. الدىن الا انىقتالعانداي، 8 - تامىزدان بەرى جاسوسپىرىم اياعىن جاراقاتتاپ الۋىنا بايلانىستى ۇيدە وتىرعان. 30 - تامىزدا ەسىن جوعالتقان ول اۋرۋحاناعا جاتقىزىلعان سوڭ قايتىس بولعان.
تەرگەۋشىلەر انىقتاعانداي، باشقۇرتستان تۇرعىنى 2014 - جىلدان بەرى كومپيۋتەردە ويىن ويناۋعا 2 مىڭ ساعاتتان ارتىق ۋاقىتىن سارپ ەتكەن. اتا- اناسى ۇيدە بولماعان ساتتەرى ول ونلاين- ويىنداردى ۇزدىكسىز ويناپ، تەك ۇيىقتاپ الۋ ءۇشىن عانا ءۇزىلىس جاساپ وتىرعان.
جاسوسپىرىمنىڭ ءولىم قۇشۋ سەبەپتەرىن انىقتاۋ ءۇشىن سوت- مەديتسينالىق ساراپتاما تاعايىندالدى.
فوتو: AP Photo/Ahn Young-joon