الماتىدا مەملەكەت ارالىق ۇيىمداسقان توپتىڭ 22 مۇشەسىنە قاتىستى سوت ۇكىمى شىقتى
بۇل تۋرالى ق ر جوعارعى سوتىنىڭ باسپا ءسوز قىزمەتىنەن حابارلادى.
ەسكە سالا كەتەيىك، د. ك. قويلىبايەۆ پەن د. م. مۇقاتايەۆ باسقارعان وسى توپتىڭ مۇشەلەرى 2014 -جىلعى 10 -ءساۋىر كۇنى تاڭعى ساعات 4 پەن 6 نىڭ ارالىعىندا كەدەندىك باقىلاۋدان تىس قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز، كەدەن وداعىنىڭ كەدەن شەكاراسى ارقىلى ءوتىپ كەتكەن. ۇيىمداسقان توپ قازاقستان رەسپۋبليكاسىنىڭ قىرعىز رەسپۋبليكاسىمەن شەكتەسكەن شەكاراسىنداعى №159 شەكارالىق بەلگىنىڭ ماڭىندا بەلگىلەنگەن ءتارتىپتى بۇزىپ، وتكىزۋ پۋنكتەرىنە باعىنباي وتكەن.
كونتراباندالىق جۇك (حالىق تۇتىناتىن تاۋارلار) تيەلگەن بارلىعى 14 جۇك اۆتوكولىگى شەكارا اسقان.
قىلمىستىق ىستەر جونىندەگى مامانداندىرىلعان اسكەري سوتىنىڭ 2015 -جىلعى 24 -شىلدەدەگى ۇكىمىمەن 2035 اسكەري ءبولىمىنىڭ ەسىرتكى زاتتارىنىڭ كونترابانداسىمەن كۇرەس ءبولىمىنىڭ باستىعى لاۋازىمىن اتقارۋشى، مايور س. س. ماحامبەتاليەۆ بيلىكتى تەرىس پايدالانعانى ءۇشىن كىنالى دەپ تانىلدى. بۇل جاعداي ق ر ق ك- نىڭ 380-بابىنىڭ 2-بولىگىندە جانە ق ر ق ك- نىڭ (1997 -جىلعى 16 -شىلدەدەگى رەداكسياسى بويىنشا) 209-بابى 3-بولىگىنىڭ ا) جانە ب) تارماقتارىندا، 28-بابىنىڭ 5-بولىگىندە كوزدەلگەندەي، ۇيىمداسقان توپ قۇرامىندا قىزمەت بابىن پايدالانا وتىرىپ، ەكونوميكالىق كونتراباندانى جاساۋعا دەم بەرۋشىلىككە جانە اۋىر سالدارلارعا اكەلىپ سوقتىرعان. ول مۇلكى تاركىلەنۋمەن مەملەكەتتىك قىزمەتتە لاۋازىم اتقارۋ قۇقىعىنان 5 (بەس) جىلعا ايىرىلا وتىرىپ، 4 جىلعا باس بوستاندىعىنان ايىرىلدى. جازاسىن جالپى رەجيمدەگى تۇزەۋ كولونياسىندا وتەيتىن بولدى.
ق ر ق ك- نىڭ 50-بابىنا سايكەس س. س. ماحامبەتاليەۆ «مايور» اسكەري اتاعىنان ايىرىلدى.
ترانسۇلتتىق ۇيىمداسقان توپتىڭ باسشىلارى د. ك. قويلىبايەۆ پەن د. م. مۇقاتايەۆ اتالعان توپتى قۇرعانى جانە باسقارعانى، سونداي- اق ۇيىمداسقان توپ قۇرامىندا ەكونوميكالىق كونتراباندا جاساعانى ءۇشىن كىنالى دەپ تانىلدى.
اتالعان قىلمىستار ق ر ق ك- نىڭ 209-بابى 3-بولىگىنىڭ ب) تارماعىندا جانە ق ر ق ك- نىڭ (1997 -جىلعى 16 -شىلدەدەگى رەداكسياسى بويىنشا) 235-2-بابىنىڭ 1-بولىگىندە كوزدەلگەن. ولاردىڭ ءارقايسىسى مۇلىكتەرى تاركىلەنە وتىرىپ، 10 جىلعا باس بوستاندىقتارىنان ايىرىلدى. جازاسىن قاتاڭ رەجيمدەگى تۇزەۋ كولونياسىندا وتەيتىن بولدى.
اسكەري قىزمەتشىلەر ب. ا. تورەبەكوۆ، س. س. كەرىمبەكوۆ پەن ب. س. ءالىمجان اۋىر سالدارلارعا اكەلىپ سوقتىرعان كەدەن ناريادىنىڭ قۇرامىنا كىرەتىن كەدەن قىزمەتىن اتقارۋ ەرەجەسىن بۇزعاندارى ءۇشىن كىنالى دەپ تانىلدى. اتالعان قىلمىس ق ر ق ك- نىڭ (1997 -جىلعى 16 -شىلدەدەگى رەداكسياسى بويىنشا) 376-بابى 2-بولىگىندە كوزدەلگەن. وسىنىڭ نەگىزىندە ولاردىڭ ءارقايسىسىنا 2 جىل 6 ايعا باس بوستاندىعىنان ايىرۋ جازاسى تاعايىندالدى. س. س. كەرىمبەكوۆ پەن ب. س. ءالىمجانعا تاعايىندالعان جازا شارتتى دەپ سانالدى.
توپتىڭ باسقا مۇشەلەرى ترانسۇلتتىق ۇيىمداسقان توپقا قاتىسقانى جانە ۇيىمداسقان توپ قۇرامىندا ەكونوميكالىق كونتراباندا جاساعانى ءۇشىن كىنالى دەپ تانىلدى.
اتالعان قىلمىستار ق ر ق ك- نىڭ 209-بابى 3-بولىگىنىڭ ب) تارماعىندا جانە ق ر ق ك- نىڭ (1997 -جىلعى 16 -شىلدەدەگى رەداكسياسى بويىنشا) 235-2-بابىنىڭ 2-بولىگىندە، ق ر ق ك- نىڭ 330-بابى 2-بولىگىندە كوزدەلگەن جانە ولار 2 جىلدان 8 جىلعا دەيىنگى ءار ءتۇرلى مەرزىمدەرگە باس بوستاندىقتارىنان ايىرىلدى.
زاتتاي دالەلدەردىڭ تاعدىرى ق ر ق پ ك- نىڭ تالاپتارىنا سايكەس شەشىلدى.
ۇكىم زاڭدى كۇشىنە ەنگەن جوق.
