08:14, 17 - ءساۋىر 2015 | GMT +5
ەكى سۋ-22 جويعىش ۇشاعى سوقتىعىسىپ، وڭتۇستىك قىتاي تەڭىزىنە قۇلادى
استانا. قازاقپارات - ەكى ۆەتنامدىق جويعىش ۇشاق فۋكۋ ارالىنىڭ ماڭىندا سوقتىعىسىپ قالعان.
BBC- ءدىڭ حابارلاۋىنشا، ەكەۋى دە رەسەيدە شىعارىلعان س ۋ-22 ۇشاعى بولعان.
الدىن الا اقپارات بويىنشا، ولار جاتتىعۋ كەزىندە سوقتىعىسىپ، وڭتۇستىك قىتاي تەڭىزىنە قۇلاعان. ۇشاق ۇشقىشتارى كاتاپۋلتا جاساپ ۇلگەرگەن، الايدا ولار ءالى تابىلعان جوق.
س ۋ-22 جويعىش ۇشاعى كەز كەلگەن جاعدايدا جانە كەز كەلگەن ۋاقىتتا جەر بەتىندەگى جانە سۋ استىنداعى نىسانداردى جويۋعا باعىتتالعان.
