وزبەكستاندا تۋعان 22 جاستاعى قىز الەمنىڭ ۇزدىك مودەلدەرى قاتارىنا ەندى - فوتو

تاشكەنت. قازاقپارات - وزبەكستاندا تۋعان 22 جاستاعى يرينا شاراپوۆا لوندوندا Victoria's Secret برەندى ۇيىمداستىرعان شوۋعا قاتىسىپ، الەمنىڭ سۋپەرمودەلى ۇزدىك توبىنا ەندى، دەپ جازادى Podrobno.uz.

«ول ءۇشىن بۇل سايىسقا قاتىسۋ اكتەرلەردىڭ «وسكار» سىيلىعىنا ۇمتىلۋىمەن بىردەي بولدى. يرينامەن بىرگە پوديۋمعا الەمنىڭ ەڭ تانىمان مودەلدەرى دە كوتەرىلدى» دەپ جازادى اقپارات كوزى.

يرينا 1992-جىلى بۇقارادا دۇنيەگە كەلگەن. ول اناسىمەن بىرگە 7 جاسىندا تاتارستانعا كوشىپ كەتكەن. كەيىن قازان مەملەكەتتىك تەحنولوگيا ۋنيۆەرسيتەتىنىڭ ءسان جانە ديزاين فاكۋلتەتىنە ءتۇسىپ، ستۋدەنت اتانعان. ول ءالى اتالعان وقۋ ورنىنىڭ ستۋدەنتى. قازىرگى ىسىنە بايلانىستى اكادەميالىق دەمالىس الۋىنا تۋرا كەلگەن.

بۇعان دەيىن يرينا «ميسس تاتارستان-2010»، «رەسەيدىڭ ءبىرىنشى ۆيتسە-ءميسى-2010» تيتۋلدارىن جەڭىپ العان.

سوڭعى جىلدارى يرينا نيۋ-يوركتە تۇرادى. ول وندا تانىمال Woman Model Management اگەنتتىگىمەن بىرگە جۇمىس جاسايدى.