كوروناۆيرۋس: الماتىدا 229 ادام جانساقتاۋ بولىمىندە جاتىر
بۇل تۋرالى قالالىق قوعامدىق دەنساۋلىق باسقارماسى ءمالىم ەتتى، دەپ حابارلايدى قازاقپارات ءتىلشىسى.
بۇگىن تاڭەرتەڭگى اقپارات بويىنشا 598 ادامنىڭ كوروناۆيرۋس جۇقتىرعانى انىقتالدى. مۇنىڭ ىشىندە 507 ى سيمپتومدى، جەڭىل جانە ورتاشا دەڭگەيدەگى بەلگىلەرمەن، 91 ى سيمپتومسىز اۋىرعان. «قازىر 7 مىڭ توسەك- ورىننىڭ 6100 توسەك- ورنى ىسكە قوسىلعان. بۇگىنگى كۇنى 3665 ناۋقاس ەم قابىلداپ جاتىر. ونىڭ 98 ى بالا. جاعدايى اۋىر ناۋقاستار سانى 751. ورتاشا جاعدايداعى ناۋقاستار سانى 3004. جانساقتاۋ بولىمىندە 229 ادام جاتىر. ءو ج ج - 36، ينۆازيۆتى ەمەس ءو ج ج - 77، High flow-دا 81 اپپارات جۇمىس ىستەيدى»، - دەپ حابارلادى باسقارمادان.
بۇعان دەيىن، قالالىق دەنساۋلىق ساقتاۋ باسقارماسى الماتىنىڭ ينفەكسيالىق ستاتسيونارلارىندا توسەك-ورىن تاپشىلىعى جوق ەكەنىن ايتقان بولاتىن.
اۆتور: الما مۇقانوۆا