08:13, 01 - مامىر 2015 | GMT +5
ورالدا 229 دانا قارۋ جويىلدى - فوتو
ورال. قازاقپارات - ورال قالاسىنداعى «كازارماپروم» ج ش س زاۋىتىندا كەشە 229 دانا قارۋ، سونداي-اق 1 ەلەكتروشوكەر، 1 پىشاق جانە مىلتىق بولىكتەرى جويىلدى.
ب ق و ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، سونىڭ ىشىندە 183 تەگىس ۇڭعىلى اڭشى مىلتىعى، 1 شولاق مىلتىق، 28 گازدى تاپانشا، 11 پنيەۆماتيكالىق قارۋ، 3 تراۆماتيكالىق قارۋ، 4 زاتتاي ايعاق پەشتە بالقىتىلدى.
بۇلار - وبلىس ازاماتتارى ءوز ەرىكتەرىمەن تاپسىرعان جانە تاركىلەنگەن قارۋلار.
ايتا كەتەيىك، مۇنداي شارانى اتالمىش دەپارتامەنت توقسان سايىن جۇزەگە اسىرىپ كەلەدى.
اۆتور: ەلجان ەرالى
